Con motivo da celebración de Nadal, esta semana as clases de cinco e tres anos recibimos a maravillosa visita dunha das súas familias para realizar un taller de manualidades. Neste caso elaboramos unha bonita e decorativa árbore de nadal. 

Hoxe, o 3 de decembro, é o DÍA DAS PERSOAS CON DISCAPACIDADE.

Para celebrar esta conmemoración as nenas e os nenos que estudan na Gándara fixeron autorretratos que se colocaron dentro dunha figura humana que colga no centro do patio interior do colexio porque desexamos convivir...

TODAS DENTRO, TODOS DENTRO E NINGUNHA PERSOA FÓRA.

Co motivo do Día Europeo da Agricultura Ecololóxica o alumnado de Infantil e 1º de Primaria acudimos o pasado venres, 22 de setembro, ao salón do Multiusos á presentación do novo libro dos Bolechas titulado OS ALIMENTOS ECOLÓXICOS.

Ao acto acudiron, ademais de moito alumnado dos centros escolares de Monforte,  autoridades locais e autonómicas, Pepe Carreiro o creador dos Bolechas, Pakolas que nos fixo bailar e os propios Bolechas!!!! Como gozamos da súa presenza!!!! MIrade, mirade... non ten desperdizo.

O 15 de marzo foi o DÍA MUNDIAL DOS DEREITOS DOS CONSUMIDORES E CONSUMIDORAS. E que mellor cousa que vivilo e realizar un consumo responsable. 

O alumnado de infantil saímos ás rúas a comprar pero, previamente, as familias tiveron que anotar en que tenda e que produto querían que mercásemos co presuposto máximo de dous euros. Así foi que fomos de tendas: librería, pastelería, mercerías, tendas de lambonadas, xogueterías e, no mercado de abastos, ademais de mirar na peixería, queixería, polería e carnicería, mercamos na panadería e na froitería. 

A todo isto hai que sumarlle que nos invitaron a degustar diferentes produtos e a observar distintos alimentos. Unha vez máis, resultou un experiencia para repetir. Graciñas a todas e todos!!!

Na tarde do mércores, 8 de marzo de 2023, o alumnado de 5º de primaria acercouse á aula de 4º de infantil (3 anos) a lernos o conto: O LIBRO DOS PORCOS. Este conto axudounos a reflexionar sobre a igualdade na realización das tarefas do fogar. Foi un tempo especial de convivencia entre distintos niveis.