Despois da sesión de videoconferencia deste martes e tras coñecer o interese das familias que asististes por poder visitar o noso centro e, despois de ter decidido que este ano non fariamos sesións de portas abertas, consideramos atender a vosa petición realizando este vídeo- visita para que vos podades facer unha idea de como é o noso centro. Non saen todas as dependencias, porque senón o vídeo extendíase moito.

Gustaríanos anotar que o vídeo foi gravado en grande parte ao finalizar a xornada e por iso veredes algúns espazos non de todo recollidos, pero pareceunos tamén importante que virades os espazos tal e como son, sen preparación a maiores.

Estrañaravos ver na biblioteca tanta mesa e as tablas de pranchar e as mesas con louza, pero é que estamos a realizar uns obradoiros de corresponsabilidade e temos as cousas preparadas alí. Seguro que, con preparación os espazos podían saír máis bonitos, pero este é o noso cole ao remate dunha xornada escolar.

Esperamos que vos guste e esperamos vervos como parte da nosa comunidade educativa neste vindeiro curso 2021- 2022.

Esta semana, como sabedes conmemorábase o DÍA DA MULLER, o pasado luns 8 de marzo.

No cole preparamos varias actividades, algunhas delas aínda se están levando a cabo e xa vos mostraremos imaxes e outras xa se realizaron.

Na biblio, dende o luns estamos a realizar obradoiros de corresponsabilidade no fogar. O alumnado, no día que lles toca biblioteca realizan, nese mesmo espazo, obradoiros de: costura de botóns, ganchillo, cociña: cociñan unha tortilla francesa, planchado e fregado de pratos. As nenas e nenos pasan dun recanto a outra realizando todos estas tarefas. Con este obradoiro pretendemos concienciar ao noso alumnado que a responsabilidade das tarefas da casa é cousa de homes e de mulleres.

O mesmo luns colocamos uns carteis identificativos nas aulas, que renomeamos con nomes de mulleres, principalmente galegas. Así, a partir de agora as aulas nomearanse do seguinte xeito:

3 anos- María Montessori

4 anos- Antía Cal

5 anos- María Victoria Moreno

1º- Lola Diz

2º e 3º- Ángeles Albariño

4º- Heroínas de Sálvora

5º- Ana Peleteiro

6º- Luz Fandiño

Música- Eugenia Osterberger

PT- Juliana Fariña

AL- Adiaratou Iglesias

Orientación- Clara Wieck

EF- Vero Boquete

Relixión Católica- Malala Yousafzai

Biblioteca- Ledicia Costas

e deixamos para o final o nome que máis ilusión nos fai incluir nesta lista e da que nos sentimos orgullos@s de ter nas paredes do noso centro. A aula de inglés a partir de agora será a aula ELISA de la PEÑA. Sentímonos realmente orgullosos de que no noso cole figure para sempre o nome da que foi a primeira directora do centro e que o dirixiu durante moitos anos. O papel de Elisa como defensora dos dereitos das mulleres non precisa explicación pois é de sobra coñecido. A partir de agora esta aula levará o seu nome, pero a súa pegada está en cada recanto do centro.

Por último, o alumnado de infantil preparou un pequeno mural ese día cos debuxos das nenas e nenos da muller máis importante nas súas vidas: nais, avoas, madriñas...

Esta semana continuaremos cos obradoiros co alumnado de infantil e cando todas e todos teñamos pasado por eles, ensinarémosvos as fotografías.

Queridas familias!

Despois de toda esta semana recibindo votos, xa temos resultado.

Votastes as familias, votamos o profesorado e votou o persoal non docente. Despois de ter recontado todas "as papeletas" o deseño gañador foi:

Agora, o seguinte paso será levalo a que o dixitalicen e que lle dean forma. Xa vos amosaremos o resultado final.

Queremos dar as grazas a todas e todos os participantes por aportar ideas e amosar a súa creatividade nos seus deseños.

Este deseño en particular inclúe o mar, que é algo moi característico do noso pobo e, que identifica ao noso cole xa que as vistas da cara sur do cole á ría de Vigo son incomparables. Inclúe un arcoiris deseñado coas cores das portas do noso centro, máis que un arcoiris é un amencer, como o que se ve nas mañás soleadas dende a entrada do noso cole. Inclúe tamén os chopos que rodean o noso cole e que son totalmente característicos del. Vexamos dende donde vexamos o cole, aparece rodeado desas imponentes árbores e, ademái, simbolizaría o crecemento, o crecemento que todas as persoas que convivimos no cole facemos, aprendendo xuntas. E, en xeral, a idea dun cole inmerso na natureza, e que ten a natureza como base, que tenta coidala e aprender dela.

Esperamos que esta idea de cole recollida no logo sexa unha idea que compartades como familias.

Moitísimas grazas pola participación!!

Para unirvos á reunión pinchade AQUÍ

Tal e como se recolle na ORDE do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (código de procedemento ED550A e ED550B) debemos publicar as vacantes dispoñibles antes do 1 de marzo.

No noso centro quedaría como segue:

Lembramos as datas máis relevantes:

O prazo de presentación de solicitudes abranguerá do 1 ao 22 de marzo.

Publicación listaxes provisionais de persoas admitidas e excluídas, antes do 25 de abril.

Publicación das listaxes definitivas de persoas admitidas e excluídas, antes do 15 de maio.

Formalización de matrícula para Infantil e Primaria, do 20 ao 30 de xuño.

NOTA: Só se poderá entregar unha solicitude de admisión, na que se poderán facer constar por orde de preferencia ata 6 centros.