Migración de direccionamento IP.
Co obxecto regularizar o direccionamento IP empregado na Rede Corporativa da Xunta de Galicia, durante os primeiros meses do 2.017 levouse a cabo un proceso de migración dos enderezos IPs dos equipos dos centros educativos da Clase A pública 69.x.x.x á privada 10.x.x.x.
Este proceso realizouse de xeito que, temporalmente, pódense empregar no centro, tanto os enderezos IPs da clase 69 cos que xa estaba traballando o centro actualmente, coma os novos da clase 10 asignada, permitindo así que a transición fora o máis sinxela posible e se puidera acometer dun xeito progresivo.
Nos centros o cambio consiste en:
- Na substitución do primeiro octeto dos enderezos IPs dos equipos, de xeito que o enderezo IP 69.xx.yy.zz pasa a 10.xx.yy.zz. O rango habilitado de novos enderezos é dende o 10.xx.yy..50 ata 10.xx.yy.240
- Na substitución dos dous servidores DNS que cada equipo ten configurado actualmente, que deben ser substituídos por un único servidor no apartado DNS principal co enderezo IP 10.180.188.75
- Na substitución da porta de enlace que cada equipo ten configurada que pasara de 69.xx.yy.1 a 10.xx.yy.1.
O proceso de migración á clase A 10 está lanzado para toda a Rede Corporativa desde o 29 de Xuño de 2016, data na que quedaron reconfiguradas as redes de área local dos centros para que poidan coexistir equipos con direccionamento da 69 e da 10.
Os centros teñe a posibilidade de configurar un servizo de DHCP, para que todos aqueles dispositivos que non requiran unha IP estática (servidores, impresoras, ...) poidan obter o seu direccionamento IP de xeito dinámico (DHCP). Neste caso o centro tería que:
- Solicitar a activación do servizo DHCP á UAC
- Seleccionar na configuración de rede de cada equipo as opcións de “Obter a IP dinamicamente” e “Obter DNS dinamicamente”
Dita posibilidade (solicitar e empregar o servizo DHCP corporativo) só deberá ser solicitada por centros que non teñan activo un servizo DHCP interno que poda interferir co servizo corporativo.
Licenciado baixo a Licenza Creative Commons Recoñecemento Sen obra derivada 3.0