Jalifornos
A idea xurde a partir dos nosos estudos do ciclo de proxectos de obra civil, no que fixemos un seguimento do proceso construtivo e do funcionamento dos fornos solares e da experiencia dun integrante do grupo no relativo a esta temática, chegando á conclusión de que existe unha escasa concienciación no que se refire ó aproveitamento da enerxía solar en Galicia.
Polo tanto, con esta investigación pretendemos impulsar desde a nosa empresa de deseño e construción de fornos e cociñas solares, a cociña ecolóxica.
Jalifornos é unha cooperativa galega de traballo asociado dedicada ao deseño, fabricación e comercialización de fornos e cociñas solares elaborados con cartón e madeira.
Encargámonos das etapas de:
- Deseño dos distintos modelos dos fornos e cociñas solares.
- Fabricación dos deseños.
- Comercialización e venta a través de Internet, así como a distribución dos produtos doutras casas comerciais.
Ademais ofrecemos servizos complementarios como talleres, divulgación, receitarios e mantemento.
