Idiomas a través da música
Enviado por Anónimo o Ven, 28/03/2014 - 11:55
Vídeo tomado de La Voz de Galicia
Un grupo de alumnos de 2º ESO do noso centro, da man da súa profesora de Música, María de los Santos Gago, prepararon unha actividade integrada de música e linguas que será presentada no marco dun curso de formación Comenius en Finlandia o próximo mes de abril.
A partir dunha obra coral do compositor inglés Bob Chilcott desenvolvéronse dúas actividades, unha individual de lectura expresiva e dramatizada co texto da canción e outra de canto colectivo. A canción incorpora, por outra parte, linguaxe de signos.
O curso, que leva por título European Music Portfolio: A creative way into languages, céntrase na integración de actividades musicais na aprendizaxe das linguas como unha maneira de optimizar a adquisición de coñecementos e estratexias en ambas as áreas .
Agradecemos desde aquí a xentileza do concello por cedernos o Teatro Principal para realizar a gravación así como a axuda inestimable de Álvaro Rodríguez Carballo, ex -alumno do noso centro que actualmente cursa estudos na Escola de Audiovisuais de Vigo, que se encargou da mesma.
