BENVIDOS AO ESPAZO WEB DO IES VALLE INCLÁN

 Recreación da fachada do Instituto, de Isidro Cortizo, a partir dun linóleo feito por ex-alumnos de 4º da ESO (fachada de inverno )

Entra virtualmente ao Paraninfo do Instituto. Animación feita por ex-alumnos de 4º ESO

Choiva de poemas

Con motivo da celebración do Día Mundial da Poesía o 21 de marzo, o centro encheuse dunha choiva moi especial: por unha banda, poemas seleccionados entre os favoritos do alumnado, e pola outra, poemas compostos por alumnos e alumnas poetas en calquera das linguas que estudamos no centro. 


Animamos a toda a comunidade educativa a deixarlle un "like" en forma de corazón a aquel poema que máis vos faga pensar, soñar, sentir... A poesía é unha das nosas formas de expresión máis preciadas, que fala da nosa identidade e humanidade. Viva a poesía!

 Preme aquí para ver tódalas fotos

Alumnado de 2 ºBACH visitou os xulgados de Pontevedra

Alumnado de 2 ºBACH  visitou os xulgados de Pontevedra no marco dunha actividade complementaria organizada polo Departamento de Economía.

Esta actividade está enmarcada dentro do Programa Educar en Xustiza que promove o Consello Xeral do poder xudicial, e ten como obxectivo que o alumnado coñeza o funcionamento dos órganos xudiciais. Ademais do percorrido por distintas dependencias coa correspondente explicación dos profesionais, tivemos a ocasión de presenciar dous xuízos no Xulgado de O Pena.

Preme aquí para ver tódalas fotos na galería

Información referida ó proceso de admisión 2024-25

 

 

Visita ó obradoiro de Elena Ferro en Merza e a Casa Grande de Xanceda

O alumnado de economía de 1º de bacharelato visitou o 28 de febreiro, o obradoiro de Elena Ferro en Merza e a Casa Grande de Xanceda onde coñeceron proxectos empresariais de éxito que poñen en valor a economía circular, o rural galego, o coidado do medio ambiente e do desenvolvemento sostible.

   

Preme aquí para ver tódalas fotos da actividade

 

 

Información referida ao proceso de admisión 2024-2025

 

Preme na imaxe para ver o arquivo completo en PDF 

A alumna Martiña Riobó Touriño le, no pleno municipal, o manifesto para o 8M.

A alumna Martiña Riobó Touriño elaborou e leu no pleno municipal o manifesto para o 8M en representación do Consello da Muller Nova do Concello de Pontevedra.

 https://www.lavozdegalicia.es/noticia/pontevedra/2024/02/27/politicos-dan-palabra-consello-da-muller-nova/0003_202402P27C2993.htm

https://www.diariodepontevedra.es/articulo/pontevedra/mentres-non-haxa-igualdade-real-habera-loita-feminista/202402261453231293648.html

 Preme nestes enlaces ou sobre as fotos para visitar o sitio da noticia.

O alumnado de 1º Bach asiste ó Certame de Teatro Grecolatino

O alumnado de 1º de bacharelato asistiu o día 21 de febreiro no Teatro Colón de Coruña ao Certame de Teatro Grecolatino, para ver unha traxedia grega (Agamenón de Esquilo) e unha comedia latina (Persa de Plauto). A actividade foi realizado conxuntamente polos Departamentos de Lingua galega e Latín.

TROCA DE LIBROS: DÁLLE UNHA SEGUNDA VIDA AOS TEUS LIBROS USADOS

O IES Valle Inclán anima a toda a comunidade educativa a participar na Troca de Libros que se vai celebrar o día 10 de marzo no Salón do Libro Infantil e Xuvenil de Pontevedra, en horario de 11 a 14 horas.

Se queres participar:

- Trae ao centro libros que estén en bó estado e que xa non estés interesado en conservar na casa. Preferentemente, libros de literatura infantil e xuvenil. Non recollemos enciclopedias, nin libros de texto, nin libros moi deteriorados. Teñen que ser libros que aínda podan ser disfrutados por outro lector.
- Entrega os libros na biblioteca, durante os recreos ata o día 8 de marzo O profesorado de garda no recreo darache un vale por cada libro donado.
- O día 10 de marzo, no Salón do Libro faráse a troca. Leva os vales que teñas e cambiaos por calquera libro en calquera dos postos dos centros e entidades colaboradoras.

Axudas para a formación en linguas extranxeiras

Homenaxe ás mulleres investigadoras

O 11 de febreiro foi o día das Mulleres e as Nenas na Ciencia e, dende o Equipo de Igualdade e o Departamento de Bioloxía, quixemos facer unha homenaxe ás investigadoras que foron e ás que son.

Rosalind Franklin foi a autora da Foto 51, clave para descubrir a estrutura do ADN.

Katalin Karikó creou a primeira vacina contra a COVID-19 e xunto co outras moitas investigadoras son as herdeiras de R. Franklin.

 

Preme aquí para ver máis fotos desta Homenaxe 

 

OFERTA EDUCATIVA IES Valle-Inclán 2024-2025

Preme sobre a imaxe para ver a oferta completa 

Distribuir contido