BENVIDOS AO ESPAZO WEB DO IES VALLE INCLÁN

 

 Recreación da fachada do Instituto, de Isidro Cortizo, a partir dun linóleo feito por ex-alumnos de 4º da ESO (fachada de Vran)

Entra virtualmente ao Paraninfo do Instituto. Animación feita por ex-alumnos de 4º ESO

O IES VALLE INCLÁN APOSTA POLA ROBÓTICA EN BACHARELATO

Pincha na imaxe para ver o artigo publicado na Voz de Galicia o martes 14 de agosto no que a profesora de Tecnoloxía Edelmira Calvar explica como imparte a materia de Robótica de libre configuración en 1º de Bacharelato.

CALENDARIO DE EXAMES DE SETEMBRO 2018

Neste documento tedes o calendario de setembro deste curso 2017-2018. Por coincidencia con outra materia o exame de Cultura Clásica de 3º de ESO que era o luns 3 ás 17:30 pasa a ser o martes 4 ás 10:30.

SOPORTE TÉCNICO EQUIPOS EDIXGAL DURANTE O VRAN

O alumnado do programa EDIXGAL que leve a casa o ordenador durante o vran e teña algún problema de tipo técnico co equipo informático, tería que chamar ao teléfono de incidencias da unidade de atención a centros (UAC) 881997701 ou ao correo electrónico uac@edu.xunta.es 

LIBROS DE TEXTO CURSO 2018-2019

No seguinte documento tedes os libros de texto do IES Valle Inclán do curso 2018-2019. Por indicación do departamento de Lingua Castelá non se deben mercar os seus libros ata Setembro.

AXUDAS PARA A ADQUISICIÓN DE MATERIAL ESCOLAR

No documento adxunto tedes  as listaxes de admitidos e excluídos das axudas para a adquisición de material escolar. Os vales das axudas entregaranse en Setembro.

 

FONDO SOLIDARIO LIBROS DE TEXTO

No documento adxunto está a listaxe de admitidos e excluidos no fondo solidario de libros de texto. Hai un prazo de 2 días de reclamación respecto á data de publicación que foi o 12 de xullo de 2018.

 

ACTO DE ENTREGA DOS DIPLOMAS AOS PARTICIPANTES NO PROGRAMA EUROPEO ERASMUS+ YES YOUNG EUROPEAN IN SPORTS

O pasado venres 29 de xuño tivo lugar no paraninfo do Centro o acto de entrega dos diplomas acreditativos de participación ao profesorado e alumnado do programa Erasmus+ de dous cursos de duración: Yes Young European in Sports que se desenvolveu co Instituto francés Lycée Felix Faure de Beauvais. Ao acto de entrega asistiu Mela Rodríguez, embaixadora en Galicia do programa europeo etwinning quen destacou a consecución da dobre distinción do programa: A Europass Mobility que certifica as competencias adquiridas durante os intercambios desenvolvidos nestes dous anos e o Selo de Calidade que acredita que o proxecto foi innovador e de calidade. Parabéns a todo o profesorado e alumnado participante.

Ligazón á noticia publicada na edición dixital de Pontevedra Viva

Ligazón á noticia publicada na edición dixital da Voz de Galicia

 

A PLAYLIST EN PONTEVEDRA VIVA DE FURIOUS MONKEY HOUSE: MARIÑA E IRENE

Temos a honra de ter no noso Centro a tres dos compoñentes do grupo de música pontevedrés Furious Monkey House: Mariña Paz Otero e Irene Esteban Teijeira de 3º de ESO A e Diego Flores Rosero de 3º de ESO B. Pincha na imaxe para poder escoitar o playlist gravado por Mariña e Irene en Pontevedra Viva en nome de todo o grupo no que nos comparten a súa experiencia.

DATAS MATRÍCULA XUÑO IES VALLE INCLÁN CURSO 2018-2019

No seguinte documento tedes as datas de matriculación de xuño para o curso 2018-2019.

 

Distribuir contido