Intercambio con Dieppe (Normandía)
Enviado por Anónimo o Dom, 13/04/2014 - 14:28
 |
| Entre os días 31 de marzo e 9 de abril tivo lugar a segunda parte do intercambio co lycée Jehan Ango, de Dieppe (Normandía). Agora foi o alumnado galego, acompañado polos profesores Mª Carmen Alonso e Enrique Piñeiro, o que tivo tres días de inmersión escolar no instituto francés, ademais de realizar unha visita guiada por Dieppe e coñecer os seus lugares históricos e o Museo de Belas Artes, pasaron unha xornada en París, e compartiron a fin de semana coas súas familias francesas. (Máis fotos) |
 |
|
O mércores 11 de febreiro o grupo de alumnos franceses, acompañados dos seus profesores e mais dos profesores do departamento de francés do noso centro, fixeron unha visita ao CIFP Carlos Oroza onde foron recibidos por alumnos de Turismo que lles deron a benvida en francés e despois visitaron as instalacións. Un grupo de alumnos amosoulles uns power points sobre Galiza e os nosos costumes, a gastronomía, a paisaxe, a cultura... A xornada rematou cun estupendo xantar que lles permitiu degustas pratos típicos da gastronomía de diferentes comunidades españolas. Desde aquí queremos agradecerlle ao profesorado e ao alumnado do CIFP Carlos Oroza a súa atención. (Máis fotos da visita) |
 |
|
O IES Valle Inclán acolle durante 9 días un grupo de 26 estudantes de Dieppe (Normandía) e os seus profesores, Catherine et Dominique, como parte dun intercambio que ten programado o Departamento de Francés. Os alumnos franceses están aloxados nas casas dos alumnos do noso centro para que a inmersión lingüistica sexa efectiva e acoden tamén a algunhas clases no instituto. Ademais teñen programadas visitas aos diferentes museos de Pontevedra, un paseo guiado polo casco antigo, unha xuntanza no CIFP Carlos Oroza e outras excursións pola xeografía galega. O mércores foron recibidos no Concello polo tenente de alcalde, Antón Louro, quen lles deu a benvida a Pontevedra. (Diario de Pontevedra, 06/02/2014) Esperamos que a súa estancia entre nós sexa para todos unha experiencia inesquecíbel. |
