IES TERRA DE SONEIRA

Co gallo do Día internacional da muller na ciencia (11 de febreiro), o Departamento de Ciencias Naturais realizou co alumnado unha exposición nos corredores do centro sobre mulleres científicas relevantes:

Pola súa banda, o alumnado do Club de Lectura de 1º da ESO, "Hora de ler", rematou a súa lectura de 'Escarlatina, a cociñeira defunta' cunha actividade culinaria do máis saboroso. O alumnado, organizado por parellas ou individualmente, presentou unha sobremesa inspirada nas receitas do libro. Despois de degustalas entre todos o luns 20, realizouse unha votación para escoller aos mellores "Chefs do inframundo". Premiábase o prato realizado e a orixinalidade no nome e deseño da receita. Os e as premiadas (houbo 2 premios e 2 accésit) recibiron cadansúas camisetas de agasallo (Deseñadas en colaboración co Departamento de Plástica) e un Diploma. Aquí están as fotos das sobremesas e a dos premiados:

O día 22 o alumnado do 2º ciclo da ESO asistiu no centro á charla -recital de Pablo Carpintero sobre instrumentos musicais organizada polo Departamento de Música.  

Co gallo do Día de Rosalía (24 de febreiro), o alumnado de 1º ESO, coordinado polo Departamento de Lingua Galega, realizou un Recital poético en homenaxe a Rosalía nos recreos do día 22 na Biblioteca, acompañados musicalmente polos alumnos de Bach. Gala Cernadas e Alberto Angües. Os participantes recibiron como agasallo conmemorativo uns marcapáxinas artesanais coa imaxe de Rosalía deseñados pola profesora Nieves Vilas.