Actividades extraescolares

Os alumnos do Ciclo de DAM adultos presencial visitaron o museo do videoxogo de Cangas (MUVI). Unha ollada ao pasado para comprender mellor o futuro dos videoxogos. 

Tanto alumnos como profesores desfrutaron do momento, uns volvendo aos seus tempos de xuventude e outros descubrindo como foi a orixe do que pode chegar a ser o seu futuro profesional como programadores de videoxogos. A visita completouse cunha charla-conferencia a cargo dun refutado programador galego de videoxogos "Indies" quen animou aos alumnos a adentrarse nese apaixoante mundo

O día 12 de abril, o Doutor Javier Santander e o seu equipo visitaron o noso centro co fin de realizar unha charla sobre Cirurxía e Medicina Estética, á que asistiron as alumnas do Ciclo Superior de Estética Integral e Benestar.

Explicaron como é o seu traballo e as distintas técnicas que empregan en Cirurxía Plástica, Medicina Estética, Micropigmentación e Drenaxe Linfático Manual.

Ao remate, as alumnas quixeron facer unha foto cos/as poñentes como recordo dunha formación que lles resultou moi proveitosa.

Grazas pola súa colaboración co IES de Teis!

As alumnas do Ciclo Superior de Estética Integral e Benestar visitaron o Balneario de Cuntis.

Pola mañá, tiveron a posibilidade de practicar as distintas técnicas hidrotermais que posúe o centro (bañeiras, duchas, chorros, piscinas…) e pola tarde desfrutaron do Aquaform, circuíto lúdico relaxante.

Grazas ao persoal do balneario pola atención recibida.

Dúas persoas alumnas dos ciclos formativos do IES de Teis, formaron parte da delegación galega nas Olimpíadas de Formación Profesional IFEMA Spain Skills de 2024 Trátase de Laura Bárcena Varela alumna de Peiteado e Víctor Posada Soto, representante de Galicia en TIC e Administración de Sistemas en Rede. Ambos acadaran medalla de ouro nas FP Skills Galicia. Foi unha experiencia moi enriquecedora para eles, na que traballaron arreo durante cinco días nos que tiveron ocasión de demostrar as súas habilidades e coñecementos, así como de compartir experiencias con alumnado de toda España. Noraboa polo traballo!

O alumnado de francés de 3º e 4º ESO asistiron o pasado venres 19 de xaneiro a representación teatral Emilie arrive à Paris en Cine Teatro Salesianos de Vigo. É unha adaptación dunha serie estadounidense: unha moza española ten que trasladarse a París por traballo. Ao final da obra, os espectadores puideron charlar cos actores: saber como preparaban as escenas, como facían para memorizar os textos...