Francés

Parabéns ao grupo gañador:  2 ESO A e tamén aos demais grupos pola súa participación e entusiasmo para conmemorar a francofonía que se celebra a semana do 20 de marzo, co obxectivo de fomentar a lingua francesa e a diversidade cultural e lingüística. Cálculase que ascenden a máis de 321 millóns de persoas de fala francesa repartidas polos 5 continentes.

Un ano máis, o Departamento de Francés, ao seu cargo a profesora, Lidia Soutiño Golmar, dinamizou unha degustación de crêpes co alumnado de Francés. A Chandeleur, o 2 de febreiro, é unha excusa perfecta para saborear unha boa crêpe. Por suposto o resto do ano tamén se pode facer para o deleite das nosas papilas gustativas. Coa súa forma redonda e a cor dorada, as tortitas simbolizan a luz, o sol e a volta do bo tempo, así que teremos que comer moitas máis para que deixe de chover.

O alumnado de francés de 3º e 4º ESO asistiron o pasado venres 19 de xaneiro a representación teatral Emilie arrive à Paris en Cine Teatro Salesianos de Vigo. É unha adaptación dunha serie estadounidense: unha moza española ten que trasladarse a París por traballo. Ao final da obra, os espectadores puideron charlar cos actores: saber como preparaban as escenas, como facían para memorizar os textos...

Parabéns a todo o alumnado de Francés por celebrar a Chandeleur, coñecido popularmente en Francia por o día das Crêpes. Gracias o entusiasmo e a destreza do alumnado, as crêpes saíron moi ricas.