Pais/Nais
DÍA DA POESÍA
admin — Xov, 25/03/2021 - 09:58
DÍA DA POESÍA
O 21 de marzo é o día da poesía, o dos bosques, o do Síndrome de Down e contra o racismo así que dende Lingualízate, o Equipo de Dinamización Lingüística, decidimos facer un pequeno recital online con estas temáticas, e colgar estes poemas no corredor da ESO xunto a algunha fotografía para poder ler un xénero non tan habitual entre a rapazada.
ENCONTRO CON YOLANDA CASTAÑO
admin — Xov, 18/03/2021 - 19:31
CICLO DE ENCONTROS VIRTUAIS CON ESCRITORAS GALEGAS
O 12 de marzo, o alumnado de 2º BAC participou nun encontro en liña con Yolanda Castaño. Esta actividade está dentro do ciclo de encontros con escritoras galegas que comezamos o mes pasado. A autora falou da súa obra e contestou a preguntas do alumnado de distintos centros educativos de Vigo. Con esta actividade, ademais de dar a coñecer a obra das escritoras participantes, promóvese entre o alumnado a análise da literatura desde unha perspectiva de xénero.
8 DE MARZO, DÍA INTERNACIONAL DA MULLER
admin — Mér, 10/03/2021 - 20:51
8 DE MARZO, DÍA INTERNACIONAL DA MULLER
A semana pasada Carlos García Movilla, profesor do Departamento de Plástica, organizou un taller de estampado de camisetas con deseños feitos por alumnado do centro para o día 8 de marzo. Ademais, o grupo de Igualdade e o de Dinamización Lingüística do instituto, organizou unha actividade para dar visibilidade a mulleres galegas pioneiras en diversos ámbitos. O alumnado buscou información sobre elas, fixeron vídeos sobre as súas vidas e cada un dos grupos da ESO decorou as portas da súa aula inspirándose nunha desas mulleres.
PIONEIRAS
admin — Mar, 09/03/2021 - 22:48
PIONEIRAS
Para dar voz a todas esas mulleres silenciadas ao longo da historia o alumnado de primeiro de Bacharelato fixo uns pequenos vídeos adicados a mulleres galegas pioneiras en distintos ámbitos: aviación, medicina, astronomía, deportes... velaquí algún exemplo.
DÍA DA NATUREZA
admin — Mér, 03/03/2021 - 12:54
DÍA DA NATUREZA
Para salientar o respeto pola fauna e flora autóctona o EDLG montou unha pequena expo co gallo do Día da Natureza, o 3 de marzo. A modo de xogo léxico pódense comprobar os coñecementos sobre os nosos animais, árbores e matugueiras, ademais de concienciar sobre a importancia do coidado do medio ambiente
VÍDEO HOMENAXE A KEPA JUNQUERA
admin — Ven, 26/02/2021 - 00:03
VÍDEO HOMENAXE A KEPA JUNQUERA
"Mar de terra" é un documental gravado nos entroidos galegos do Macizo ourensán, principalmente, polo gran músico vasco Kepa Junquera, que agora cedeu aos institutos galegos para que puidésemos gozar da súa proxección. Como agradecemento pola súa xenerosidade dende os centros gravamos diferentes vídeos para animalo a superar uns tempos que para el están a ser aínda máis difíciles. Velaquí o noso, onde lle mostramos as máscaras que a rapazada fixo ao son das súas voces e zanfonas.
DÍA DE ROSALÍA
admin — Mér, 24/02/2021 - 02:17
DÍA DE ROSALÍA
O 24 de febreiro é o día de Rosalía de Castro así que para celebralo Lingualízate, o EDLG do instituto, fixo unha pequena exposición, "As caras de Rosalía", para abrir o debate nas aulas sobre a comparativa entre Rosalía escritora e Rosalía icona gráfica e símbolo da galeguidade. Ademais elaboraron a Playlist de Rosalía, máis de tres horas de poemas musicados, que xa compartiron con outros centros de ensino e está a ter moito éxito.
FASE AUTONÓMICA DA XVI OLIMPÍADA ESPAÑOLA DE BIOLOXÍA
admin — Mér, 24/02/2021 - 02:15
PARTICIPACIÓN NA FASE AUTONÓMICA DA XVI OLIMPÍADA ESPAÑOLA DE BIOLOXÍA
O venres 19 de febreiro, Marta González López, alumna de 2º Bacharelato A, participou na fase autonómica da XVI Olimpíada Española de Bioloxía. Este ano, debido á situación sanitaria, houbo unha fase previa que consistiu nunha proba teórica de 80 preguntas tipo test online na que participaron 112 alumnos/as de 22 centros educativos de toda Galicia e 20 conseguiron pasar á final. A fase final autonómica do certame científico celebrouse na Facultade de Bioloxía da Universidade de Vigo e a alumna estivo acompañada pola profesora de Bioloxía Olga Mijón Pedreira. Parabéns pola clasificación!
ENCONTRO CON LEDICIA COSTAS
admin — Sáb, 20/02/2021 - 02:33
CICLO DE ENCONTROS VIRTUAIS CON ESCRITORAS GALEGAS
O 19 de febreiro, o alumnado de 4º ESO participou nun encontro en liña con Ledicia Costas. Esta actividade está dentro dun ciclo de encontros con varias escritoras galegas, no que cada unha das autoras falará da súa obra e o seu proceso creativo. Ademais promoverase entre o alumnado a análise da literatura desde unha perspectiva de xénero.
MUSEOS CIENTÍFICOS DA CORUÑA
admin — Sáb, 20/02/2021 - 02:24
MUSEOS CIENTÍFICOS DA CORUÑA
O alumnado de 3º ESO participou na visita en liña aos módulos da Exposición Bocados do Museo Científico DOMUS de Coruña. Esta exposición trata sobre a nutrición e quere ser unha reflexión sobre a relación entre os alimentos e o medio ambiente. A actividade estivo a cargo do profesor do Departamento de Bioloxía e Xeoloxía, Gabino Cuntín.
- « primeira
- ‹ anterior
- …
- 13
- 14
- 15
- 16
- 17
- 18
- 19
- 20
- 21
- …
- seguinte ›
- última »
Buscar
Blogs do centro
Redes Sociais
Proa+