Skip to Content

 

Presentación

Sinfonías da mañá

 

Desde a Biblioteca propoñemos para este segundo trimestre un xogo-concurso no que está invitado a participar todo o alumnado do centro da quenda da mañá, desde 1º ESO ata os Ciclos Superiores.

Normas do xogo e organización:

  • Cada mañá, durante 10 ou 15 minutos xusto antes da entrada e no recreo soará unha música ou canción pola megafonía do centro.
  • A partires desa música ou canción haberá unha serie de pistas e preguntas  que levarán a unha solución. Serán seis músicas distintas, e por tanto seis solucións distintas.
  • Haberá tarxetas de participación diaria (na biblioteca), onde constan as preguntas e espazos para as respostas. Estas respostas entregaranse na biblioteca co nome do participante e serán gardadas ata o final do concurso.
  • Gañará o concurso o participante que consiga acertar todas as preguntas. En caso de haber máis dun pleno de acertos, sortearanse os premios entre os acertantes.

  

 Tarxetas de participación  Sorriso

RESPOSTAS:      1. Nome do grupo: Berrogüetto           2. Nome do músico: Isaac Palacín

RESPOSTAS:  1. Nome do libro: O señor dos aneis. O retorno do rei.  2. Autor: J. R. R. Tolkien

RESPOSTAS:  1. Nome da novela: Carmen   2Autor da novela: Prosper Merimée   3Animal: araña  

          RESPOSTAS:  1. Nome do poeta: San Juan de la Cruz     2.  Número de rexistro: 564

RESPOSTAS:   1. Director de cine: Steven Spielberg    2. Escritor de BFG: Roald Dahl

 

 

RESPOSTAS:  1.  Título da película: El Cid       2. Autor da cantiga: Afonso X O Sabio

 

Podes acceder a tódalas audicións do concurso dende a nosa lista de reproducción de Spotify 

 

 

GAÑADORES DO I CONCURSO "SINFONÍAS DA MAÑÁRisa

 

Xa teños as gañadoras desta primeira edición do concurso... nobaroa a todas!!

 

Pincha sobre a foto para acceder ao album de fotos da entrega de premios.

 

Biblioribeira

 

 

A nosa biblioteca escolar está integrada no edificio principal do centro, nunha zona tranquila e accesible para a comunidade educativa. Ten una superficie aproximada de 100 m2 que acollen os fondos, dous puntos lectores para expoñer as novidades e apoiar as commemoracións, ademáis dun espazo de lectura de cómics e revistas.

O total de fondos bibliogáficos e videográficos  rexistrados está en torno a 16.000 volumes. Hai tamén catro ordenadores a disposición do alumnado, outro para xestión e tres portátiles para distintos usos.

O  equipo de apoio está constituído por membros do profesorado pertencentes a diferentes departamentos, a súa función e colaborar no mantemento e organización dos fondos así como na dinamización, creación de materiais didácticos e recursos, e na organización e celebración de eventos con outros centros e asociacións da contorna.  Destácanse neste apartado o Samaín, o Mes da Ciencia en Galego, o día Contra a Violencia de Xénero, o día da Paz o día da Muller, o 23 de Abril coa conmemoración da Semana do Libro e o 17 de maio coa Semana das Letras Galegas. A biblioteca é lugar de encontros literarios e artísticos, de acollida en intercambios culturais e de expansión práctica da apredizaxe.

O club de lectura ten un forte enraízamento na comunidade educativa: o club de ESO e Bacharelato con oito grupos en total e un club de lectura de adultos.

 

A biblioteca escolar do IES Ribeira do Louro está integrada no programa PLAMBE de bibliotecas escolares de Galicia e ademáis de recibir recursos económicos, formación, asesoramento continuado e acompañamento por parte da D.X. de Centros e Recursos Humanos responsable do programa, a través da Asesoría de bibliotecas escolares; por outra parte, o profesorado responsable e coordinador dos equipos de biblioteca destes centros participa dun foro profesional no que se comparten informacións, experiencias e propostas de traballo ao longo do curso escolar.

 

     

 

Distribuir contido


by Dr. Radut