Estimadas familias,
A Escola de Familias do IES Ramón Cabanillas continúa o vindeiro luns día 25 de abril ás 20.00 horas na biblioteca do instituto. Recordamos que non é un grupo pechado, podendo unirse quen o desexe cando queira ou poida.
Desta volta imos abordar un dos temas que máis nos preocupan, a saúde mental. Abordar o reto de educar na adolescencia onde as pantallas teñen un lugar moi presente na vida diaria é complexo e máis cando somos conscientes de que “a maior tempo diante das pantallas, peor saúde mental”. Nunha sociedade no que a taxa de suicidios na xuventude aumenta de xeito preocupante, queremos falar da saúde mental e o do benestar emocional do noso alumnado.
Gustaríanos contar con vós. En caso de ter dificultades de asistencia por conciliación ou por horario poñédevos en contacto con Silvia (a orientadora do centro) e trataremos de buscar alternativas nesta ou en vindeiras ocasións. A vosa presenza é importante.
Nais, pais, avoas, avós, irmás… toda a familia conta na educación das crianzas, animádevos a vir.
Importante: haberá merenda, en caso de contar con intolerancias alimenticias por favor comunicádeo á orientadora antes do 22 de abril.
|
ONDE? Na biblioteca do IES Ramón Cabanillas CANDO? O luns 25 de abril de 2022 ás 20.00
|
Agardámosvos!
