ESO / CB / CM/ BACH/ STEMBACH / CUALE
Curso 21-22
Viaxe a Compostela
O pasado 19 de abril o alumnado de 1º de ESO viaxou a Santiago de Compostela. O programa da xornada incluía unha visita guiada á Cidade da Cultura, unha exposición sobre surrealismo, un paseo polo casco histórico da capital de Galicia e, pola tarde, unha visita ao Museo das peregrinacións. As actividades, incluidas no Proxecto de Dinamización da lingua, serán completadas no centro cun traballo de afondamento sobre os contidos traballados na visita.
DELF Scolaire 21-22
Acompañadas pola profesora da materia asistiron á Coruña 8 alumnas de Bacharelato do centro. As oito candidatas superaron as probas DELF 21-22.
Sara e Uxía de primeiro de bacharelato superaron o nivel A2. E Isis de primeiro, Candela, Adela, Nerea, Marta e Ángela de segundo o nivel B1.
DELF é un diploma oficial do Ministerio de Educación Nacional de Francia que acredita o nivel de Lingua Francesa. É recoñecido a nivel internacional e ten validez permanente.
Parabéns a todas elas polo traballo realizado!
Semana da árbore
Na xornada de hoxe o alumnado de 1º de ESO sumouse ao dos outros centros educativos na plantación simbólica proposta polo Concello de Ortigueira para comemorar a "Semana da árbore". Nos espazos exteriores do centro hai unha nova nogueira medrando xa con todos eles.
Día da poesía
O Departamento de Lingua Castelá do centro celebrou o "Día da poesía". As creacións do alumnado foron colocadas na entrada do centro para seren visualizadas por toda a comunidade educativa.
Día da visibilidade Trans
No día da Visibilidade Trans, o centro sumouse á chamada de atención pola enorme situación de vulnerabilidade de moitas crianzas e adolescentes trans sen apoio familiar, que non poden desenvolverse e vivir libremente a súa identidade.
A cartelaría foi subministrada pola asociación ARELAS.
Escape Room
Actividade realizada o pasado 21 de marzo para alumnado de 1º de ESO, subvencionada polo Concello de Ortigueira mediante os orzamentos do Pacto de estado contra a violencia de xénero.
Concurso de postais de Nadal (Francés, Inglés, Galego)
Organizado polos departamentos de lingua francesa, de lingua inglesa e polo equipo de Dinamización da lingua galega. Relación de alumnado premiado:
Lingua Inglesa
1° Premio: Némesis Herrera (2°ESO) Material escolar, cultural ou deportivo por valor de 60 euros
2° Premio: Uxía Fernández (2°ESO). Material escolar, cultural ou deportivo por valor de 40 euros
3° Premio: Irene Castro (1°ESO). Material escolar, cultural ou deportivo por valor de 20 euros
Lingua francesa
1° Premio: Ainhoa Álvarez (2°ESO) Material escolar, cultural ou deportivo por valor de 60 euros
2° Premio: Ángela Seijas (1°ESO) Material escolar, cultural ou deportivo por valor de 40 euros
3° Premio: Manuel Aneiros (2°ESO) Material escolar, cultural ou deportivo por valor de 20 euros
Lingua galega
1° Premio: Sara Martínez (1°ESO) Material escolar, cultural ou deportivo por valor de 60 euros
2° Premio: Carla Cociña (2°ESO) Material escolar, cultural ou deportivo por valor de 40 euros
3° Premio: Noa Aguiar (1°ESO) Material escolar, cultural ou deportivo por valor de 20 euros
As nais, pais ou responsábeis do alumnado premiado, identificándose correctamente, poderán escoller os seus agasallos ata o 31 de xaneiro de 2022 en calquera establecemento comercial dos Concellos de Ortigueira ou de Mañón. O establecemento comercial poñerase en contacto co IES de Ortigueira mediante correo electrónico, para emitir as facturas específicas. O correo é: ies.ortigueira@edu.xunta.gal
Visita ao CIS de A Cabana (Ferrol)
O 22 de novembro, alumnado de Tecnoloxía e TIC do centro, asistiu á actividade "Mundos virtuais" no CIS Tecnoloxía de Ferrol.
GALICIA SKILLS 2021
O 5 de outubro, Andrés e Jacobo representan ao IES de Ortigueira no Campionato galego de Carpintaría. Nas imaxes vémolos aos dous competindo, no CIFP Ferrolterra. Moita sorte, aínda que o importante é estar aí.