Un ano mais contamos co Benito para celebrar o tradicional magosto no instituto, e tamén co chocolate quente do Nogallás. As castañas asadas e a bebida quente veñen sendo un clásico no noso Samaín. Grazas por vir!

Un gran traballo colaborativo do alumnado de 1º Bac e 4ºESO trataba de ambientar o xardín coa temática do cementerio na festa pagana das ánimas. Tamén o alumnado de 1ºESO procurou adornos para as fiestras do edificio 2.

Grazas a todos por participar!

O alumno do Ciclo Medio de Electromecánica de Vehículos Juan Fisteus Furelos clasificouse para a fase final da "I COMPETICIÓN DE FUTUROS PROFESIONALES DE MAQUINARIAS Y ELEVACIÓN" que terá lugar entre o 22 e o 25 de novembro na 19 edición de SMOPYC en Zaragoza.

Este é un novo éxito do alumnado de Automoción do IES Ordes. 

NORABOA a Juan Fisteus e a todo o profesorado do departamento de automoción, especialmente ao seu titor José Manuel Carabel.

O CAFI (Centro Autonómico de Formación e Innovación do Profesorado) vén, unha vez máis, de recoñecer a traxectoria destacada e o bo facer do proxecto Aliméntate ben, que se leva desenvolvendo nos últimos anos no IES Ordes, así como o traballo da súa coordinadora Trini Pérez.

Este proxecto no que participan un gran número de departamentos do centro, leva recibidos un gran número de eloxios nos últimos anos.

A coordinadora, xunto cunha das profesoras que leva traballando varios anos no proxecto, Esther Nouche, presentarán o traballo realizado no centro, na actividade formativa "Promoción de hábitos e estilos de vida saludable".