Blogues

Espectacular photocall deseñado polo alumnado de Actividades Comerciais, capitaneado pola profesora Noelia Sánchez! Deste xeito dinamizaron o centro para o día de hoxe, empregando materiais reciclados, e creando unha xincana por todo o instituto para que participe o alumnado da ESO.

Queremos felicitar a Antía Fernández Loureiro, alumna de Xestión de Vendas e Espazos Comerciais, e á súa titora e profesora de Escaparatismo, Sol Seoane, pola medalla de ouro na edición 2023 de GaliciaSkills-Escaparatismo e comercialización visual. É para nós un orgullo e unha satisfacción este recoñecemento ao seu traballo e dedicación para preparar estas probas. Moitos parabéns! Toca seguir traballando...Madrid 2024 agárdavos!

Visitou a edición de Galicia Skills 2023 alumnado de Xestión de Vendas e Espazos Comerciais (modalidade dual e ordinario).

Publicadas no BOP as bases do PROGRAMA MUNICIPAL DE BOLSAS USA 2024/25, que teñen por obxecto posibilitar a estadía nos EEUU para cursar o equivalente a 1º de Bacharelato, ao alumnado que cumpra as seguintes condicións.

PRAZO DE PRESENTACIÓN: 23 de outubro ata o 6 de novembro, ambos incluídos. 

Información nos documentos que se inclúen nesta publicación.

O 9 de outubro de 2023 publicáronse no enderezo web do taboleiro de anuncios e edictos do Concello da Coruña, as listaxes definitivas que se acompañan coa Resolución de concesión de axudas para o pagamento de comedores escolares no curso 2023-2024. Pódense consultar en:

-         

Taboleiro de edictos https://sede.coruna.gal/opensiac/action/infopublica?method=enter&edictos=true

-         

Páxina web de servizos sociais https://www.coruna.gal/serviciossociales/

-         

Taboleiros dos centros cívicos municipais

Os listados identificarán as solicitudes atendendo ao número de expediente asignado.

Con esta publicación ábrese o prazo para a interposición do recurso potestativo de reposición que será dun mes, do 10 de outubro ao 9 de novembro, ambos incluídos, e poderá presentarse, previa cita (010, citaprevia.coruna.gal), nos rexistros municipais (Praza de María Pita, Fórum Metropolitano, Centro Ágora e Franxa), no rexistro telemático da sede electrónica municipal (https://sede.coruna.gob.es) así como en calquera outro dos previstos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

Bolsa comedor