A pasada ponte da Constitución e da Inmaculada, do 6 ao 9 de decembro, dous estudantes de 3º da ESO: FABIAN NOGUEIRAS RIVERA e HELDER MORAIS DOMÍNGUEZ (ÍAN MELIO ÁLVAREZ tamén traballou nel pero non puido asistir) acompañados do seu profesor e titor no Club de Ciencias do IES Lagoa de Antela, Prof. Dr. Miguel A. Yebra Ferro, asistiron ao Encontro Internacional de Jóvenes Investigadores a presentar o seu traballo de investigación : "pH de cenizas de árboles y arbustos en Galicia y cultivo de leguminosas en tierras quemadas". Parabéns, de novo, polo seu traballo.
Podes obter máis información e visualizar fotos nesta ligazón.
Estréase a curtametraxe "ABRE OS OLLOS", realizada polo CDR O Viso, cun grupo de estudantes do IES Lagoa de Antela.
Parabéns aos coordinadores (Miguel Ángel Yebra Ferro e Ana Belén Martínez Álvarez) e colaboradores do XXXVI Congreso de Enciga celebrado os días 23, 24 e 25 de novembro. Destacar especialmente a colaboración do alumnado do Clube de Ciencias, que adicou unha gran cantidade de horas, sempre cun sorriso e axudando amablemente aos participantes do Congreso. Moitas grazas tamén aos conserxes Miguel e Paco polo seu traballo abnegado para solucionar pequenos problemas; tamén a Manolo pola súas xornadas interminables e a Iván e o seu alumnado que nos sorprenderon cos petiscos do viño de honra.
As conferencias, ponencias e saídas pola contorna foron todo un éxito de asistencia. Os participantes levan unha boa impresión da gran riqueza da nosa comarca, para moitos descoñecida ata estes días.
Na galería de imaxes podes visualizar algún recordo gráfico do Congreso.
O pasado mércores 22 de novembro o noso alumnado participou nunha Xornada de Campo a Través, actividade organizada polo Departamento de Educación Física. Parabéns polos resultados acadados. Podes obter máis información nesta ligazón, ou visualizar algunha imaxe da actividade na galería.