Dinamización de Igualdade

ARTE+MULLER+GALICIA no Fontexería

Desde o grupo de Dinamización de Igualdade queremos agradecer a colaboración do concello na organización do visionado do documental ARTE+MULLER+GALICIA, coa posterior charla coloquio coa súa directora, Rosario Sarmiento.

A maleta viaxeira fai unha visita ao Fontexería

A maleta viaxeira con libros para profesorado e alumnado, en galego e castelán, recalou no noso instituto por un período breve de tempo...pero abondo para tomar nota daqueles que queremos que pasen a formar parte da biblioteca de centro de maneira urxente!

"Ti e Eu contra as violencias machistas"

Desde o grupo de Dinamización de Igualdade realizamos unha camiseta co lema "Ti e eu contra das violencias machistas", co logo do centro, como colaboración coa campaña "En negro contra as violencias", á que se sumou o concello de Muros.

25N co alumando de 2º ciclo da ESO e BAC

O alumnado de 4º ESO preparou para o 25N unha representación do conto de Pepa e Pepe para todos os grupos do centro, como forma axudar a identificar os distintos chanzos da "escaleira da violencia". Cómpre salientar o impacto que esta historia ten entre o alumnado adolescente,xa que a protagonista, Pepa, é unha alumna de instituto, ao igual que o protagonista, Pepe. A historia, contada pola socióloga especializada en violencia de xénero, Carmen Ruíz Repullo, está construída a partires dos relatos de alumnado adolescente.

25N co alumando de 1º ciclo da ESO

Un ano máis, a comisión de Igualdade dedica o mes de novembro íntegramente a sensibilizar ao alumnado de todo o centro da necesidade de dar unha resposta global, como sociedade, á violencia cara as mulleres. As actividades destinadas ao alumnado de 1º ciclo da ESO buscan, fundamentalmente, promober a implicación de nenas e nenos nesta loita.

o alumnado de 1º BAC acuden á representación de ELISA E MARCELA

O departamento de Galego, en colaboración coa área de Dinamización de Igualdade, acudiu co alumnado de 1º de BAC á reconstrucción irreverente, ao tempo que profundamente crítica e emotiva, da historia de amor de Elisa e Marcela, dúas mulleres que casaron pola igrexa no ano 1901, na Coruña.

O curso 2018-2019 comeza con fútbol feminino nos recreos

Desde o grupo de Dinamización de Igualdade comezamos o curso 2018-2019 felicitando ás persoas responsables do Proxecto Deportivo do centro por reservar a pista de fútbol os recreos dos martes para que as alumnas do centro que xogan no equipo As Miúdas ensinen a xogar a este deporte a compañeiras que queiran aprender. Aleda ver o compromiso "das miúdas" e a boa acollida desta iniciativa entre as alumnas de 1º e 2º ESO!

1ère Bac en Noir et plus

Les élèves de 1ère année Bac, option Français 1ère et 2ème Langue Étrangère, écrivent des mots contre le harcèlement sur un tableau du couloir Bac de L ´Ies Plurilingüe Fontexería, vendredi 23 novembre, comme collaboration à la journée de dénonce 2018 qui a eu lieu au Lycée. Voilà le lien pour le résumé en images de l´activité

Leer máis

Quérote +: unidade 5

Imaxes correspondentes ás actividades da ficha 5- "A relación dos sexos a través da Tecnoloxía" concienciando ao alumnado de 3º ESO no uso da tecnoloxía de xeito responsable e positivo e reflexionando sobre o seu uso nas relacións persoais; visiualizáronse os vídeos da web Pantallas Amigas, o vídeo doble check, debatindo sobre o seu contido; así como algúns elaborados polo equipo de dinamización dasTIC do propio centro (obradoiro de seguridade informática).

En relación á unidade 5, desenvolveuse, ademais, o obradoiro "Cibermentorías: apoio entre iguais para a mellora da convivencia nas redes sociais en centros escolares", dirixido ao alumnado, a cargo de Javier García Barreiro, durante os VI Encontros de Centros para unha Convivencia Positiva, no IES Plurilingüe Fontexería. En paralelo, para o profesorado, tivo lugar a charla de Guillermo Cánovas, "A formación da personalidade de alumnas e alumnos en internet".