Calendario de exames setembro: No arquivo adxunto está o acceso ao calendario dos exames.
Entrega de boletíns e devolución libros Fondo: Luns, 6 de setembro ás 11:00 h.:
Reclamacións ás cualificacións: Días 7 e 8 de setembro en horario de 10:00 a 13:00 h.
O día de entrega de notas é o venres día 25 de xuño ás 12.00 horas (non haberá trasporte escolar).
O alumnado irá a clase correspondente, entregará os libros do Fondo Libros e o titor/a repartirá os boletíns de calificación.
O alumnado quedará cos libros daquelas materias que non aprobe en xuño.
Xunto coas notas entregaranse os documentos necesarios para a matrícula do curso 2021-2022 .
O prazo da matrícula ordinaria para o curso 2021-2022 comeza o día 25 de xuño e remata o 10 de xullo. Para evitar aglomeracións, pregamos, sempre que sexa posible, que se respecte o seguinte calendario, en horario de 10.00 a 13.00 horas:
-Alumnado que se matricule en 1º da ESO o día 28 de xuño.
-Alumnado que se matricule en 2º da ESO os días 29 e 30 de xuño.
-Alumnado que se matricule en 3º da ESO os días 1 e 2 de xullo.
-Alumnado que se matricule en 4º da ESO os días 5 e 6 de xullo.
O alumnado con materias suspensas terá que esperar a setembro para facer a matrícula.
O alumnado de 4º ESO gozou dunha saída ás Fragas do Eume e Ferrol, enmarcada no Proxecto Terra no que o centro participa.
Comezaron coa visita ao barrio da Madalena e ao Ferrol Vello, para despois dar un paseo en barco pola ría ata o Castelo de San Felipe. Ao mediodía asistiron a unha interesante charla sobre bioconstrución, o Proxecto Alvarella, e repuxeron forzas para visitar despois o Mosteiro de Caaveiro e gozar dun fermoso roteiro polas Fragas do Eume. Un día ben intenso!
Xela Arias é a protagonista do Día das Letras Galegas 2021. Escritora, tradutora, editora e docente, deixounos poemas que son un reflexo da súa personalidade rebelde, inconformista e transgresora, poemas aos que o noso alumnado pon voz na seguinte montaxe.
Chegou o Día do Libro e para celebralo estivemos toda a semana recomendando lecturas durante o recreo no noso "photocall literario" na biblioteca: narrativa, ciencia, manga, poesía... E para rematar, convidados pola Biblioteca Municipal de Fisterra Casa do Arco, visitamos un posto de libros no que puidemos elixir o noso agasallo. Moitas grazas!
Achégase a fin do trimestre e con ela a recolleita non só de cualificacións, senón tamén do tan desexado premio do Concurso de Interpretación de poemas de Rosalía de Castro. O grupo gañador é... o alumnado de 4º ESO, que mesturou "as dúas Rosalías" nunha coreografía con música do tema Malamente e como letra o poema Nasin cand'as prantas nasen. Parabéns!!
Este ano para celebrar o Día Mundial da Poesía decidimos espallar ao noso redor versos escritos por poetas de Fisterra. Se mentres dades un paseo queredes gozar dos poemas de Alexandre Nerium, Mónica Góñez, Modesto Fraga, Roberto X. Traba Velay ou Branca Vilela, fixádevos nos farois da Rúa do Voluntariado!
Parécenos, ademais, un bo día para dar a coñecer os gañadores e gañadora do Certame de Videopoemas pola Paz convocado no mes de xaneiro polo Departamento de Lingua Galega e Literatura e a biblioteca: Candela Vázquez Martínez (4º ESO), Alex Mariño Ferrío (4º ESO) e Brais Lema Martínez (3º ESO). Parabéns aos tres!
Mundo sen fronteiras, por Candela Vázquez Martínez.
Paz, por Álex Mariño Ferrío.
A paz, por Brais Lema Martínez.
 |
881 960 528 |
 |
ies.findocamino@edu.xunta.es |
