A continuación podedes ver información sobre algunhas actividades realizadas nos últimos anos.
REPRESENTACIÓN TEATRAL
A obra, titulada Food for Thought, foi representada pola compañía Moving On, que fomenta a participación activa e positiva do público para que falen, canten e desenvolvan o seu humor no escenario e en inglés. A representación tivo lugar no salón de actos do centro no primeiro trimestre para todo o alumnado de 1º, 2º e 3º de E.S.O. que cursa inglés como 1ª ou 2ª lingua estranxeira.
Consulta a foto de grupo no arquivo adxunto.
CONTACONTOS EN INGLÉS E GALEGO
A actividade, a cargo de Tim Bowley e Charo Pita, tivo lugar no salón de actos do centro no primeiro trimestre. Houbo tres sesións consecutivas de 50 minutos: unha para o alumnado de 4º de ESO, outra para 1º de bacharelato e a última para 2º de bacharelato.
Consulta o cartel informativo nos arquivos adxuntos.
PARTICIPACIÓN NUN PROXECTO MULTILATERAL COMENIUS
Nos cursos 09-10 e 10-11 o noso centro participou como socio nun proxecto multilateral Comenius coordinado por un centro alemán, Walter Mohr Realschule, situado en Traunreut, na Alta Baviera. Tamén participou como socio un instituto de secundaria holandés,Etty Hillesum Lyceum. O título do proxecto foi Enjoy yourselves and respect our natural environment. Foi un proxecto bianual que tiña como obxectivo principal redactar unha guía ecoturística para xóvenes (en inglés). Traballamos, baixo a coordinación do profesor de Educación Plástica e Visual Pablo Villanueva, con alumnado de 1º e 2º de ESO.
“LETRAS NO ALOBRE”
Este departamento está a colaborar na organización de actividades para a celebración de “Letras no Alobre”.
Estamos a informar e animar ao alumnado sobre a solicitude de becas e axudas que ofrece a Xunta de Galicia para facilitar a inmersión lingúística mediante viaxes ao estranxeiro no período de verán.
| Adxunto | Tamaño |
|---|---|
| CONTACONTOS EN INGLÉS E GALEGO.doc | 176.5 KB |
| Food for Thought- foto 1 - PC020106.JPG | 1.27 MB |
