Curso 2017-2018

O alumnado de 2º de BAC, que remata os seus estudios no noso centro, celebra o seu acto de graduación de despedida o xoves 21 de xuño ás 19:00 horas no Auditorio do Concello de Cariño.

Ao rematar, a ANPA convida aos presentes a uns aperitivos na sala de lecturas da Casa da Cultura de Cariño. Despois, os recentemente graduados agasallan aos presentes cuns pinchos e poñen o broche final cunha cea nun restaurante da zona.

O martes 19-6-18 o comunicador do programa Ábrete de orellas de Radio Filispim realiza un taller de radio co alumnado de 1º de BAC de 11:15 a 12:00 horas e con 4º de ESO e 2º de BAC de 12:00 a 13:10 horas. Empezarán cunha charla e logo pasarán a practicar na nosa radio Forza Oito.

Coa colaboración do concello esperamos que pronto se poda escoitar na FM coma calquera radio tradicional, pero mentres tanto pódese xa acceder aos primeiros programas en Internet na plataforma de podcast Ivoox, só tedes que buscar por IES Cabo Ortegal ou Forza Oito.

O alumnado de 2º de ESO realiza unha visita ao Museo Nacional de Ciencia e Tecnoloxía de A Coruña o martes 5 de xuño de 2018 de 08:30 a 19:00 horas

O alumnado de 1º e 2º de ESO realiza o mércores 23 de maio de 2018 de 8:30 a 15:00 horas, dentro da campaña de promoción dos deportes náuticos dentro do centro, una sesión de 3 horas onde se imparten contidos de vela lixeira, de piragüismo e DE kaiak polo, ademáis organízase unha ruta para ter unha toma de contacto co paddle board.

O alumnado de 4º da ESO e de 1º de BAC que cursa a materia de Francés participa no Festival da Francofonía que se celebra en Vilanova de Arousa do luns 7 ao mércores 9 de abril de 2018.

O alumnado de 1º de BAC, dos institutos de Ortigueira e Cariño, que cursa a materia de Robótica participa na IV edición da Competición de Robots organizado pola Escola de Enxeñería Industrial da Universidade de Vigo o venres 4 de maio de 07:30 a 20:30 horas.

O 26 de abril de 10:45 a 12:30 horas o alumnado de 4º de ESO, de 1º e 2º de Bac de ciencias participa nunha actividade por streaming de vídeo con motivo da celebración do Día Internacional das Rapazas nas TIC.

O alumnado de Ciclo, de 1º e 2º de BAC e de 4º da ESO que cursan TIC realiza unha saída didáctica a Lugo na que visitan o periódico O Progreso e a Muralla romana o mércores 25 de abril de 09:20 a 18:00 horas.

É, como ven sendo habitual, tamén saímos na prensa, neste caso en El Progreso

Os alumnos do IES Cabo Ortegal Mario Fraga Fernández, estudiante de 1º de Bac, e Adrián Pernas Lamas, de 2º de Bac, foron entrevistados pola Voz de Galicia.

Mario é debuxante de cómics e ten publicado o seu traballo «Arlén», e Adrián decántase polo realismo e exporá os seus debuxos no Museo Pedagóxico de Galicia.

Podedes ver a entrevista completa clicando no seguinte enlace

Mario, amosando a portada do seu cómic Arlén e Adrián cun debuxo feito por el

O alumnado de 3º ESO ten unha charla dentro do programa QUÉROTE + de 10:25 a 12:05 horas

A alumna Alba Rodríguez Novo e os alumnos Antón Filgueira Barcón, Mario Fraga Fernández e Adrián Fraguela Casto, de 1º de BAC, acuden a unha Master Class de física que organiza a Universidade de Santiago de Compostela.

O alumnado de 2º ESO A almorzou na cafetería do instituto de 08:30 a 09:20 horas

O alumnado de 1º e 2º de BAC ten unha charla impartida por Belén Méndez Naya da USC sobre os "A linguaxe adolescente" o venres 9 de marzo de 2018 de 11:15 a 12:05 horas na Aula de Usos Múltiples.

O alumnado de 3º e 4º da ESO e de 1º e 2º de BAC que cursan Francés asiste a unha representación teatral en A Coruña o xoves 1 de marzo de 2018 de 09:30 a 17:00 horas.

O mércores 28-2-18 3 alumnas de 1º de BAC e 4 de 2º de BAC visitan ao alumnado de 1º, 2º e 3º de primaria do CEIP Manuel Fraga Iribarne de Cariño para realizar tres obradoiros sobre as mulleres na ciencia baixo o proxecto que están levando a cabo no colexio "Eu son científica", de 10:25 a 13:10 horas.

Realizan unha presentación e un kahoot, 3 experimentos relacionados coa ciencia e un reto de completar un circuito cun robot.

Foi unha experiencia moi moi positiva!! Moitas grazas ao colexio por organizar esta actividade e contar con nós!! E moitas grazas a Alba, Ainhoa, Eva, Carla, Sabela, Ángela, Ashley e Laura por ser unhas magníficas monitoras!!

E, como non, unha vez máis saímos na prensa. Podedes acceder ao artigo de La Voz de Galicia clicando aquí.