II CERTAME DE MICRORRELATO E FOTOGRAFÍA "EXERIA"

Os Equipos de Dinamización da Lingua Galega do IES Cabo Ortegal, do IES Pedro Floriani (Redondela) e do IES Mendiño (Redondela), en colaboración co Equipo de Biblioteca do IES Cabo Ortegal e co Servizo de Normalización Lingüística do Concello de Redondela, convocamos a II edición do Certame intercentros de microrrelato e fotografía "Exeria", destinado a todo o alumnado dos tres centros organizadores. 

Nesta segunda edición, a temática proposta para os traballos é a pandemia e, como novidade, outorgaranse en cada categoría dous premios independentes para o mellor microrrelato e para a mellor fotografía. 

O prazo de presentación dos traballos é do 1 ó 20 de abril de 2022. 

Pica aquí para acceder ás bases completas do certame.