En virtude da RESOLUCIÓN do 5 de maio de 2020, da Secretaría Xeral Técnica de Presidencia, Administracións Públicas e Xustiza, acórdase o restablecemento do procedemento de admisión do alumnado do 2º ciclo de educación infantil, educación primaria, educación secundaria e bacharelato en centros sostidos con fondos públicos para o curso académico 2020-2021.
Nesta Resolución, os prazos a ter en conta serán os seguintes:
- Presentación de solicitudes de admisión: do 11 ao 18 de maio (ambos incluídos).
- Publicación das listaxes provisionais do alumnado admitido e non admitido: ata o 26 de xuño.
- Formalización da matrícula ordinaria: do 1 ao 10 de xullo.
O alumnado de nova incorporación que desexe solicitar praza para o próximo curso no IES Cabo Ortegal, pode realizar a solicitude dunha das seguintes formas:
-
Dixitalmente mediante no seguinte enlace: ADMISIÓN ALUMNADO
- Presencialmente entregando toda a documentación pertinente no IES Cabo Ortegal en horario de atención ao público de luns a venres de 10:00 a 13:00 horas.
