O obxecto desta viaxe foi visitar un dos máis importantes castros da xeografía galega: o CASTRO DE SAN CIBRAO DE LÁS, coñecido como “A Cidade” polas súas dimensións, pertencente á etapa final da cultura castrexa (S. II a.C-S.II). É un castro parcialmente escavado, que iniciou os traballos de escavación no ano 1922 grazas aos escritores galegos López Cuevillas e Vicente Risco. Está situado a 18 Km. da cidade de Ourense.

O alumnado de 3º da ESO levou a cabo un obradoiro sobre a obtención do lume, percorreu o castro e recibiu unha charla sobre a cultura castrexa no centro de interpretación próximo ao castro.

Rematada a visita ao castro, o alumnado puido coñecer a cidade de Ourense, á que nos desprazamos para o xantar.

Na viaxe de volta, contemplamos unha das marabillas da xeografía galega: os Canóns do Sil. Fixemos unha breve parada en Monforte de Lemos e chegamos ao IES ás 21 horas. Foi unha xornada divertida e moi enriquecedora para todos e todas os que participamos, tanto alumnado como profesorado.

ELECCIÓNS CONSELLO ESCOLAR 2022 - CONVOCATORIA PARA OS DIFERENTES SECTORES DA COMUNIDADE EDUCATIVA

- CONVOCATORIA PAS (PERSOAL DE ADMINISTRACIÓN E SERVIZOS)

- CONVOCATORIA ALUMNADO

- CONVOCATORIA PAIS/NAIS

- CONVOCATORIA PROFESORADO

Premios de ESO ao esforzo e á superación persoal correspondentes ao curso 2021-2022

O 11 de xullo publicouse no DOG a ORDE do 29 de xuño de 2022 pola que se convocan os premios de educación secundaria obrigatoria ao esforzo e á superación persoal correspondentes ao curso 2021-2022 (código de procedemento ED311E).

Lembrámoslles que, segundo se establece no artigo 4.4 de dita orde, o 23 de setembro remata o prazo para presentar solicitudes de participación en ditos premios.

LIBROS DE TEXTO ESO

LIBROS DE TEXTO BACHARELATO

Parabéns para esta marabillosa xeración 2016-2022 que ven de celebrar a súa graduación. Desfrutamos dun serán de festa cheo de emocións, reencontros e alegría. Foi un auténtico pracer compartir con vós estes marabillosos anos no Basanta. Desexamos de corazón que o camiño sexa longo para todas e todos vós, cheo de aventuras e experiencias fermosas. No Basanta Silva teredes sempre a vosa casa ❤️

DE PASEO POLA COSTA DA MORTE. Alumnos e alumnas de Ciencias Sociais de 2⁰ da ESO, acompañados das súas profesoras Teresa, Verónica, Mercedes e Sabela, visitaron esta semana a Costa da Morte. Foi un fantástico percorrido didáctico pola nosa historia, dende a prehistoria, coa visita ao dolmen de Dombate en Bergantiños, ata o pasado medieval dos Mariño de Lobeira e dos Moscoso, Condes de Altamira, na Terra de Soneira, onde visitamos o castelo de Vimianzo e imaxinamos como puido ser noutrora o de Vilalba ou Caldaloba, fortalezas das que hoxe só se conservan as Torres de Homenaxe. Continuamos o paseo ata Muxía onde fomos abalar a pedra ao santuario da Virxe da Barca. Xa en Fisterra, marabillámonos coa inmensidade da paisaxe e seguimos ata o Ézaro, onde visitamos a fervenza que forma o río Xallas na súa desembocadura ao mar, caso único en Europa e de imponente fermosura. Foi unha viaxe didáctica ben bonita! ❤️

Os días 14 e 15 de xuño, parte do alumnado do noso centro, principalmente os grupos de 1º e 2º da E.S.O., tiveron a oportunidade de achegarse dunha forma máis práctica á ciencia coa actividade “Experimentos no Basanta. A ciencia mola!”. Parte do alumnado de Física e Química de 4º E.S.O. e 1º de bacharelato guiados polas profesoras do departamento, fixo unha pequena feira de ciencia na que explicaron e expuxeron distintos experimentos e fenómenos físicos e químicos. Puidemos ver dende reaccións químicas moi vistosas como a da pasta de dentes de elefante ou o camaleón químico ata demostracións de fenómenos relacionados coa densidade, a explicación do funcionamento de distintos motores ou curiosos fenómenos de electromagnetismo,entre outras demostracións. Dúas xornadas cheas de curiosidade e de aprendizaxe tanto do público como do alumnado voluntario que mostrou o seu coñecemento así como as súas habilidades de comunicación, transmisión da información e de divulgación científica. Esperamos que o ano que vén o alumnado de 4°E.S.O e 1° de bacharelato se animen repetir a actividade coa mesma boa disposición e ganas de aprender dos deste ano! Graciñas!

                                                                       ...

Hoxe xoves, 5 de maio, 12 alumnas e alumnos de 1º de bacharelato da materia de Tecnoloxía Industrial, impartida pola profesora Verónica Santiso, do Departamento de Tecnoloxía, asistiron a un obradoiro de drons. O obradoiro tivo unha  primeira parte teórica, onde os participantes recibiron información sobre a lexislación que regula o uso de estes aparatos, tipos de drons , ... e unha segunda parte máis práctica, onde o noso alumnado tivo a oportunidade de poder voar un destes drons, práctica que tivo lugar no campo da feira de Vilalba. Agradecer a Ana e a Zoe do Espazo Xove e a Fran, o monitor e antigo alumno do noso instituto, a xornada tan agradable e divertida que pasamos. ESPERAMOS PODER REPETIR A EXPERIENCIA O VINDEIRO CURSO. GRACIÑAS.

Diploma de Estudos en Lingua Francesa ( DELF B1 e B2)

20 alumnos de bacharelato do noso centro, realizaron as probas para a optención do Diploma de Estudos en Lingua Francesa ( DELF B1 e B2), a través dun acordo de colaboración entre a Consellería de Cultura, Educación e o Servicio de Cooperación e de Acción Cultural da Embaixada de Francia en España. As probas foron realizadas o mercores, xoves e venres, (27, 28 e 29 de Abril 2022), a través do centro acreditado da Alianza Francesa da Coruña.

Xa temos o noso primeiro podcast subido na plataforma ivoox co título "Coemocións nas Ondas". Para poder escoitalo só tes que premer nos enlaces.

Descripción de Coemocións nas Ondas