Actividades

ENAPAS no IES de Barro

Ven, 12/04/2024 - 09:34 — Anónimo

O mércores 17 de abril ás 19h terá lugar no IES de Barro unha formación para familias que será levada a cabo por Óscar Páramos, psicólogo na Asociación Avante, co título ¨Como axudar aos nosos/as fillos/as ante as redes sociais e os móbiles¨, financiada polo Centro de Formación e Recursos de Pontevedra.

Convidamos a todas as familias a participar nesta actividade que de seguro vai ser de gran interese.

Maleta Ponte a Zero no IES de Barro

Mér, 03/04/2024 - 04:34 — Anónimo

Durante todo o mes de abril contaremos no IES de Barro coa maleta ¨Ponte a Zero¨, unha actividade levada a cabo polo CEIDA (Centro de Extensión Universitaria e Divulgación Ambiental de Galicia), que conta con recursos sobre reciclaxe, contaminación e economía circular.

II Ciclo de Cultura Científica

Mar, 02/04/2024 - 17:21 — Anónimo

A Consellería de Cultura, Educación e Universidade está a promover conferencias sobre o emprego responsable e seguro das novas tecnoloxías. Dentro delas, o II Ciclo de Cultura Científica conta cunha serie de conferencias ás que se poden asistir presencialmente ou por videoconferencia.

A continuación poden ver o programa de actividades:

1 adxunto

Obradoiro "Xestión emocional positiva dende as familias"

Ven, 15/12/2023 - 10:54 — Anónimo

O luns 11 de decembro levouse a cabo a segunda sesión de traballo dentro da escola de familias na que se realizou o obradoiro "Xestión emocional positiva dende as familias", coa colaboración do Concello de Barro e o programa local de prevención de condutas aditivas.

Agradecemos a participación e a disposición de familias, e poñerémonos en contacto para futuras sesións de traballo.

OLLOS de AULA

Mér, 14/11/2012 - 15:42 — Anónimo

A partires de hoxe, incorporamos na nosa páxina de Normalización Lingüística o enlace a revista para pais "Ollos de aula".

O obxectivo da publicación é achegarvos información variada ao redor da educación e convidarvos a reflexionar sobre aqueles temas que vos poden preocupar como nais e pais. Ao longo das distintas seccións procurarase darlle resposta ás preguntas que nos formuledes, afondar en temas de actualidade, explicar conceptos propios do ensino ou achegarvos suxestións (lectura, música, viaxes…)