O luns 4 de decembro parte do alumnado do itinerario social e artístico de 1º e 2º Bacharelato tivo a magnífica oportunidade de coñecer máis de preto algunhas das xoias arquitectónicas da provincia da Coruña.

Despois de visitar a Torre de Hércules – e case aprender a voar - puideron deleitarse cunha das mellores exposicións fotográficas do momento: Helmut Newton: Fact and Fiction.

Xa en horario de tarde, o noso alumnado quedou fortemente impactado coa visita á catedral. O sol acompañou por fin durante o comezo do percorrido polas cubertas e grazas ao Departamento de Xeografía e Historia que preparou con esmero a visita, non houbo detalle do conxunto catedralicio e do Pórtico da Gloria que quedase sen explicar.