Bo Verán

Agora si... rematamos! Unha vez pechado o curso, podemos dicir con orgullo que superamos o reto que supuxo adaptarnos a unha situación completamente nova. A implicación total de profesorado e traballadoras do centro e a colaboración e boa disposición xeral de alumnado e familias fixo posible que o curso escolar se desenvolvera con certa tranquilidade.

Un aplauso especial merecen os nosos nenos e nenas, que dende o primeiro momento, e sempre cun sorriso, adoptaron as novas normas e se alonxaron sen protestar da súa normalidade de xogo libre e interacción social.

É de xustiza dar as grazas a tod@s pola vosa colaboración. Que pasedes un felicísimo e merecido verán, vémonos en setembro!