EEI O Areal

AXUDAS LIBROS ALUMNADO QUE PASA A 1º DE EP

Ven, 05/24/2024 - 10:49 — Anónimo

Só alumnado de 6º de EI que o próximo curso 24/25 pasa a 1º de Educación Primaria.

A Xunta abre o prazo para solicitar as axudas para a compra de LIBROS e MATERIAL escolar.

O prazo para presentar a documentación: do 21 de maio ao 21 de xuño, preferiblemente por vía electrónica ou tamén no centro educativo onde cursarán o vindeiro ano.

Podedes consultar toda a información na seguinte ligazón: https://www.edu.xunta.gal/axudaslibros

LETRAS GALEGAS 2024

Xov, 05/02/2024 - 09:21 — Anónimo

LETRAS GALEGAS 2024

Como todos os anos, aquí están as pegadas en galego elaboradas polos nenos e nenas do Areal coas súas familias. Pretendemos achegar a nosa lingua á contorna máis próxima.

Durante o día das Letras Galegas, podedes recoller unha na Librería Vernet en Baiona.

Desexamos que lles gusten e que nos escriban ao enderezo electrónico da escola (eei.oareal@edu.xunta.gal) para contarnos que lles pareceu esta iniciativa.

Pero isto non foi o único que fixemos, xa que realizamos outras actividades.

Coñecemos a biografía de Luisa Villalta e o seu libro “Alma de Violino”.

Elaboramos un mural da autora homenaxeada.

Realizamos lecturas en galego durante toda a semana.

E desfrutamos dunha familia que quixo colaborar connosco nesta semana das letras, tocando a gaita e ensinándonos os traxes tradicionais galegos.

Todas as solicitudes de ADMISIÓN presentadas foron admitidas, non é necesario baremar. No mes de maio fixaremos a primeira reunión co alumnado que comeza na escola por primeira vez. Concretaremos data e hora.

PROCESO DE ADMISIÓN 2024-2025

Mér, 02/21/2024 - 11:13 — Anónimo

Infórmase ás familias do inicio do prazo de admisión de alumnado para o curso 2024-25.

A solicitude poderase presentar:

- De xeito presencial na EEI O Areal, entregando a solicitude debidamente cumprimentada na secretaría da escola.

- De xeito on-line, no enlace admisionalumnado. Unha vez cuberta a solicitude entregarase, de xeito presencial, na secretaría da escola.

- A través da sede electrónica.

A solicitude pode recollerse no despacho da escola se así o desexades ou imprimila directamente nas ligazóns que deixamos a continuación.

SOLICITUDE DE ADMISIÓN

INFORMACIÓN IMPORTANTE DO PROCESO DE ADMISIÓN 2024/2025

INSTRUCIÓNS ADMISIÓN 24/25

O prazo de admisión, polo tanto de entrega de solicitudes é do 1 ao 20 de marzo de 2024, de luns a venres de 9:15 a 10:00 horas e os martes de 15:30 a 17:00 horas.

*O criterio complementario aprobado o día 19/02/2024 no consello escolar que sumara un punto extra no proceso de admisión foi: "proximidade ao centro do lugar de traballo (Concello de Baiona)".