Skip to Content

Todos os niveis

Visita da escola de Fornelos - Xaneiro 2019

16/01/2019 09:00
16/01/2019 14:00

O pasado 16 de Xaneiro a escola de Fornelos foi visitar a biblioteca. Alí, dividíronse por grupos e fixeron co mestre Moncho uns debuxos con area tinxida. Ademais tamén xogaron a dous xogos que lles trouxo o Apalpador: un encrucillado e o xogo do "Aforcado". Aproveitamos e escoitamos a canción do Día da Paz e xogamos a diferentes xogos.

Para rematar, os alumnos e alumnas de primaria contaron uns contos para despedir o día.

 

 

 

 

Actividade de psicorobótica - Xaneiro 2019

08/01/2019 09:00
25/01/2019 14:00

En tódalas aulas do CRA fixemos unha actividade de psicorobótica na que traballamos a psicomotricidade por medio da robótica cun robot chamado "Movi" que dipón de varios xogos para que as nenas e os nenos se movan e se divirtan. Algúns destes xogos son:

- "O semáforo", no que Movi ordena moverse coa luz verde e parar coa vermella.

- "Os animais". Movidice o abecedario parando nalgunhas letras e imitando a diferentes animais.

- "Movi dice" e "paso a paso", no que o robot da diferentes ordes ós nenos como: da un salto, toca os xeonllos, tres pasos atras, un xiro...

Esta actividade está dentro da área de Educación física.

Visita das axudantes dos Reis Magos - Decembro 2018

20/12/2018 09:00
20/12/2018 14:00

Os nenos e nenas do CRA recibiron a visita das axudantes dos Reis Magos nas súas aulas. Os alumnos e alumnas entregáronlle as súas cartas coas súas peticións e ademais cantáronlles unha canción.

Como nos portamos moi ben, as axudantes deixaron algo en cada aula.

Obradoiros de compostaxe - Decembro 2018

01/12/2018 09:00

O noso CRA adheriuse este curso escolar ó PROGRAMA EDUCATIVO REVITALIZA, “Apúntate á compostaxe” promovido pola Deputación de Pontevedra. Pareceunos unha actividade moi importante para concienciar ao noso alumnado e profesorado sobre un dos problemas ambientais aos que diariamente nos temos que enfrontar. Neste programa estanse a desenvolver actividades encamiñadas ao alumnado e profesorado do centro como son: xornadas profesorado, xogo sobre residuos, compostaxe infantil, poñendo en marcha os composteiros, a actividade "Quen vive aí?" e a exposición na biblioteca do centro todo o mes de Decembro.

Día internacional da discapacidade - Decembro 2018

03/12/2018 09:00
03/12/2018 14:00

O 3 de Decembro celebramos no CRA o día internacional da discapacidade. Para elo empregamos o libro "A árbore da escola" e cada unha das aulas transcribiu unha páxina do libro a diferentes formas de comunicación (empregando diferentes lenguaxes, pictogramas, sons...). Para rematar, cada colexio prantou unha árbore no patio.

Día Internacional contra a violencia de xénero - Novembro 2018

25/11/2018 00:00
25/11/2018 23:59

O día 25 de Novembro foi o Día Internacional contra a violencia de xénero e as diferentes escolas do CRA tamén celebraron este día. Dende o equipo de biblioteca propúxeronse diferentes actividades a partir do conto de "Arturo e Clementina" que as nenas e nenos levaron a cabo nas aulas.

Saída á sala Ártika para ver "Hamsel e Gretel" - Novembro 2018

27/11/2018 09:00
27/11/2018 14:00

O vindeiro Martes 27 de Novembro os alumnos e alumnas do CRA iremos a Vigo para ver a obra de teatro "Hamsel e Gretel" da compañía "Teatro Avento". Sairemos das escolas en autobús arredor das 08:55 e chegaremos para comer nas nosas casas.

Foi un día fantástico, os nenos e nenas desfrutaron moitísimo coa obra e as súas persoaxes. Unha vez nas aulas, falamos sobre a obra e comentamos diferentes aspectos da mesma.

Carreira solidaria "Quilómetros de solidariedade" - Novembro 2018

12/11/2018 09:00
16/11/2018 14:00

Na semana do 12 ó 16 de Novembro, todas as escolas do CRA participaron na iniciativa solidaria de "Quilómetros de solidariedade", en colaboración coa asociación "Save the Children".

Cada aula aproveitou a súa sesión semanal de psicomotricidade para realizar a carreira. Antes da mesma, o mestre de psicomotricidade deulle unha breve explicación da mesma e a continuación repartiu un dorsal a cada neno e nena co número que escolleran. Ó rematar cos prolegómenos, os nenos e nenas realizaron unha carreira nun recorrido marcado (en infantil un recorrido curto e en primaria un pouco máis longo).

O obxetivo da iniciativa é buscar "patrocinadores" e doar unha cantidade simbólica (non obrigatoria) por cada neno ou nena, e recaudar o máximo posible para doar á asociación "Save the Children".

O Magosto - Novembro 2018

16/11/2018 09:00
16/11/2018 14:00

Como todo os anos, as diferentes escolas reuníronse para festexar o magosto. Este ano xuntámonos en Marzán e pasamos un día xenial. Comezamos o día facendo xogos en grupos no que os nenos e nenas desfrutaron moitísimo... xogamos ó "panocastaña", "relevocastaña", balonmán, fútbol sala, lanzamos aos tragacastañas, …


Despois dos xogos e coa axuda dalgunhas nais e pais, asamos unhas castañas e comimos diferentes postres e comidas típicas destas datas feitos e aportados polas familias… Puxémonos as botas!!!

 

Visita das escolas de Novás e Tabagón - Novembro 2018

15/11/2018 09:00
15/11/2018 14:00

O Xoves día 15 os nenos e nenas das escolas de Novás e Tabagón foron pasar o día á biblioteca.

Como sempre que visitamos a biblioteca pasamos un día diferente. Primeiro apagamos as luces e pechamos as cortinas para ver un libro de imaxes que a mestra Rocío proxectaba cunha lanterna nunha saba. Ás nenas e os nenos encantoulles e mesmo inventaron as súas propias historias sobre o mesmo.

Ademais, coloreamos un debuxo que despois, coa axuda da tablet e dunha aplicación de realidade aumentada, convertimos en realidade. As nenas e nenas quedaron coa boca aberta cando viron que o seu debuxo saía do papel!!

Para rematar, o alumnado de primaria contoulles contos ó de infantil. Foi un día xenial!!!

Distribuir contido


by Dr. Radut