Educación Primaria

Os nenos e nenas de Fornelos seguimos coñecendo e descubrindo cousas novas sobre o proceso de elaboración do viño, e para elo visitamos a adega "Lagar de Fornelos".

Saímos ás 10:30, fomos polo camiño do río onde vimos diferentes árbores e paramos a falar sobre elas. Como estaba moi bo día, paramos nun parque, onde merendamos e xogamos, e ó rematar fomos á adega Lagar de Fornelos. 

Recibiunos Olga, que era a guía. Ensinounos unha máquina, na que botaban uvas, e que separaba a uva do cangallo. Facía moito ruído. As uvas ían por un tubo a unha máquina, que prensaba as uvas e era moi grande. O que sobraba de espremer (a pel da uva) vai para uns sacos, onde se almacenan para facer augardente, logo nun alambique, que tamén vimos. O zume da uva, o mosto, vai para uns depósitos enormes que estaban forrados con fotos de árbores. Tamén coñecimos a outra parte da adega onde había barrís cheos de augardente e botellas de exposición. 

Como nos demos conta de que aínda somos un pouco inexpertos para elaborar o zume de uva pensamos que sería unha gran idea aprender de algún experto. Estivemos pensando sobre quen nos podía axudar e démonos conta de que a solución a tiñamos moi preto do noso colexio, na bodega Gran Novás.

Decidimos ir facerlle unha visita para aprender deles e os nenos e nenas pasárono moi ben, aprenderon moitísimo e volveron para o colexio con moitas gañas de facer a nosa propia colleita

Todos os alumnos e alumnas da escola de Pías fómonos de vendima. Falamos co avó de Unai que nos levoua súa bodega e a súa finca onde vendimamos e metemos as uvas en capachos para levar ó noso colexio. Unha vez no colexio todos os nenos e nenas poideron pisar as uvas e facer zume de uva que eles mesmos beberon.

Os nenos e nenas da escola de Novás estamos preparándonos para facer a nosa colleita e, como ben sabemos, o primeiro que hai que facer é ir vendimar as uvas que tanto nos custou producir durante todo o ano.

Por iso saimos á finca do avó Manolo (o avó de Iker), que está preto do noso colexio a vendimar unhas poucas uvas para despois na nosa aula elaborar o noso propio zume. As nenas e os nenos pasárono xenial, traballaron arreo e rematamos levando as uvas para a nosa aula para seguir noutro día co proceso.