Eventos

As aulas de primaria do noso CRA recibiron a visita dos alumnos e alumnas do colexio San Xerome. Aproveitando a visita presentámonos e organizamos actividades e xogos diferentes coas que o alumnado interactuou e desfrutou da mañan. Ademáis Pablo, alumno do San Xerome, ensinou a súa obra e o resto de nenos e nenas fixeron preguntas sobre a mesma.

Nas diferentes aulas do CRA conmemoramos o Día das Letras Galegas que este ano estaba adicado a Antón Fraguas. Para elo, levamos a cabo diferentes actividades como o repaso da vida e obra, actividades co escornabot e xogos nas PDIs. 

Dende o equipo de biblioteca do CRA elaborouse un álbume sobre os diferentes elementos da contorna. Cada alumno e alumna terá o seu álbum onde poderán os cromos que os titores e titoras lles vaian dando, á vez que falan de cada un dos elementos.

Os alumnos e alumnas do CRA que o vindeiro curso irán ó colexio da Mata tiveron a oportunidade de visitalo e coñecer as diferentes aulas, mestres e mestras e formas de traballar. Ademáis tamén poideron compartir xogos e actividades cos que van ser os seus futuros compañeiros.

Os nenos e nenas da escola de Tabagón pasamos unha mañan de pesca no río Miño. Ó remate da merenda, collimos as nosas canas e baixamos ó río andando, e unha vez alí preparamos as nosas canas e puxémonos mans á obra. Pasámolo xenial e incluso nos quedamos ata máis tarde das 14:00 desfrutando do día do río.

O vindeiro Mércores 29 de Maio os nenos e nenas do CRA iremos de excursión a Baiona. Alí visitaremos o Museo do Mar, unha carabela e faremos actividades ó aire libre.

Os alumnos e alumnas do CRA fomos de excursión a Baiona. Alí visitamos o museo do Mar, a Carabela Pinta e tamén xogamos nun parque infantil. Para elo, dividímonos en 4 grupos, mentres un iba a carabela, outro iba o museo do mar e os outros dous quedaban no parque xogando.

Ademáis, o alumnado de primaria, no tempo de estar no parque, foron dar un paseo polas murallas do paseo de Baiona.