Eventos
Por cuarto ano consecutivo, no noso CRA levamos a cabo o concurso fotográfico para o alumnado e as familias. Neste curso, na súa cuarta edición, a temática é sobre os nosos montes, polo que o alumnado poderá desfrutar dos mesmos e inmortalizar os momentos.
Os gañadores e gañadoras das diferentes categorías son:
- DIVERTIDA: Os irmáns Iker e Aitor Alonso, da escola de Fornelos, pola súa foto "Tocando as follas"
- ORIXINAL: As irmáns Clara e Alba Gómez, da escola de Pías, pola súa foto "Coidando do noso entorno no Lago Bostelo"
- ARTÍSTICA: As amigas Vera Rivero e Aroa Pereira, da escola de Novás, pola súa foto "Tendendo pontes á natureza".
Podedes ver tódalas fotos participantes expostas na biblioteca do CRA.
Os alumnos e alumnas de infantil tiveron a oportunidade de visitar durante todo o día do Xoves as instalacións da Granxa Kiriko. Alí, o alumnado puido interactuar cos diferentes animais da granxa, pasear polos seus montes e tamén facer obradoiros e xogos no que o pasaron xenial.
Aínda que foi un día longo, xa que saímos do CRA ás 08:45 e chegamos ás 19:00, o alumnado desfrutou e aprendeu moitísimo sobre os animais e o noso entorno.
O alumnado da escola de Novás tivo a oportunidade de elaborar as súas propias barras de pan. Para facelo, contamos coa axuda do noso vecño Isolino, que nos abriu as portas da súa casa e nos ensinou todo o proceso.
Dividímonos en grupos e un día fomos a facer a masa e o día seguinte fomos facer as barras e metelas no forno. Saíronnos unhas barras de pan riquísimas!!!!