O pasado día 28 de maio o alumnado de 5º e 6º de Educación Primaria, e de 1º da ESO participaron nunha sesión contra o acoso escolar. A actividade desenvolvida en colaboración coa Garda Civil (Plan Director) enmárcase dentro do Plan de Acción Titorial do Departamento de orientación, así como do conxunto de medidas do centro para mellorar a convivencia e previr o acoso escolar. Analizáronse as características do alumnado acosador, do acosado e dos observadores, así como as estratexias para identificar unha situación de acoso e como actuar.
Outras actuacións complementarias para a mellora da convivencia no centro que tiveron lugar nos últimos días, foron as que seguen: aplicación dun cuestionario de convivencia ao alumnado de 1º da ESO ou o desenvolvemento o día 3 de xuño dunha sesión de mellora da autoestima tamén con este grupo e o día 21 de maio con 4º de Educación Primaria. Neste senso, na medida en que unha persoa ten unha autoestima positiva, e está contento consigo mesmo/a, atópase en mellores condicións para estar satisfeito/a nun grupo e polo tanto cunha mellor disposición a participar nunha convivencia positiva e pacífica.
