O día 1 de abril o alumnado de 3º da ESO participou nunha actividade de análise crítica do modelo de amor imperante na sociedade e as mensaxes que envía aos adolescentes. Estamos a referirnos ao modelo de amor romántico. Para coñecer mellor os mitos asociados ao modelo de "amor romántico" o alumnado comezou visualizando un vídeo das Queer Avengers.
A continuación en pequenos grupos, o alumnado explorou cales son as mensaxes que recibimos en torno ao amor romántico. Para iso buscaron cancións, películas e anuncios publicitarios nas cales subxace este modelo de amor.
Finalmente, en pequeno grupo realizaron unha análise crítica dos valores e tópicos que transmiten os recursos atopados, respondendo ás preguntas dunha ficha de análise. Tamén se compartiron co grupo-clase as reflexións feitas en cada pequeno grupo.
