Este mércores, día 1 de xuño, tivemos a gran sorte de contar no noso centro con Xosé Tomás Díaz (ilustrador, guionista, humorista gráfico...) para impartir un obradoiro de Banda Deseñada ao alumnado de 1º da ESO.
Xosé Tomás traballou con eles a etimoloxía dos diferentes vocábulos para nos referir a esta disciplina, a historia da Banda Deseñada, os principios e algunha das técnicas máis usadas, que logo puxeron en práctica.
Foi, pois, unha visita moi proveitosa coa que gozou a rapazada.
