Maio 2023

Visita de El Hematocrítico

Dom, 28/05/2023 - 18:29 — iriachapela

Esta semana visitou ao noso alumnado de 2º Ed. Primaria El Hematocrítico, autor de, entre outros libros, Feliz feroz. O lobiño riquiño.

Contounos por que se chama así (en realidade non se chama El Hematocrítico) e de onde sacou a idea de escribir este libro que tanto nos gustou! Entre os lobos dos contos clásicos (que a pouco que busquemos, podemos atopar media ducia de historias diferentes que teñen ao lobo como o malo da historia) e o coiote do Correcamiños, atopamos ao personaxe principal da nosa historia. O humor, coma en todos os libros de Hemato, é unha constante que nos permitiu desfrutar moitísimo do libro.

Por outra banda, tamén nos contou en primicia que está a piques de sacar novo libro, no que o Lobiño coñece a ... Draculiño! Agardamos con verdadeira intriga saber máis desta historia.

E, ao final de todo, agasallounos asinando toooodos os nosos libros

3 adxuntos

Do, re, mi, cantamos porque si!

Ven, 26/05/2023 - 09:41 — iriachapela

Dentro do Progama Lectura e Familias, organízase unha sesión de formación a cargo de Elena Paz, música, cantante e creadora, autora de Té, chocolate e café.

Té, chocolate, café - Sueños del Gatipedro

No taller "Do, re, mi, cantamos porque si!" cantaremos e divertirémonos coa música. O curso realizarase o 15 de xuño, de 16h30 a 18h. Cada neno terá que vir acompañado dunha persoa adulta responsable e as prazas están limitadas! Para inscribirte, cubre o seguinte formulario.

Día das Letras Galegas

Sáb, 20/05/2023 - 09:30 — iriachapela

A biblioteca da escola sumouse ás distintas iniciativas que se levaron a cabo para celebrar o Día das Letra Galegas, dedicado este ano a Francisco Fernández del Riego, Don Paco, mediante unha exposición.

Este ilustre persoeiro, nado no concello lucense de Lourenzá, contribuíu a manter a afianzar a cultura galega dende que entrou en contacto coa obra de Rosalía de Castro, Curros e Vicente Risco entre outros. De feito, foi un dos impulsores da celebración da festa que este ano se lle adica. Cabe destacar tamén que foi socio fundador da Editorial Galaxia en Vigo, cidade á que permaneceu vencellado ata a súa morte.

Ademais de diferentes obras que falan sobre a vida de Don Paco, coa exposición que celebra as Letras Galegas tamén quixemos recuperar outras figuras homenaxeadas en anos anteriores coa colección dos Bolechas As miñas primeiras letras galegas.

Familias contacontos

Sáb, 06/05/2023 - 07:41 — iriachapela

Ao abeiro do Programa Lectura e Familias, e con motivo do Día do Libro, as familias viñeron á escola a contar contos á rapazada de Infantil e Primaria. O obxectivo desta actividade foi fomentar a lectura entre o máis pequenos a través da escoita. Ademáis, déuselle un papel protagonista ás familias compartindo tempos e espazos, o cal contribúe á súa integración no día a día na escola.

Decoración dunha das sesións de contacontos.

Os libros, de diferentes temáticas, foron escollidos segundo as idades dos oíntes para captar a súa atención, con distintas escenografías que contribuíron a crear un ambiente idóneo.