Skip to Content

Febreiro 2023

Exposición Día da muller e a nena na Ciencia

Sáb, 25/02/2023 - 22:03 — iriachapela

O 11 de febreiro celébrase o Día Internacional da Muller e a Nena na Ciencia. Por iso, o equipo de biblioteca preparou unha exposición con libros de mulleres científicas ou escritos por elas.

 

 

Para que o alumnado saque máis proveito da exposición, teñen unhas fichas con preguntas sobre os libros para cubrir (diferenciadas segundo o nivel da rapazada). Para os que participen, haberá un agasallo!

Actividades Lectura e Familia

Lun, 20/02/2023 - 23:11 — iriachapela

O programa Lectura e Familias continúa coas súas actividades de formación con Como ler un conto, o vindeiro xoves 2 de marzo ás 16h30. Nela, aprenderemos a interpretar e dar vida ás primeiras lecturas que compartimos coa rapazada.

Por outra banda, iniciaremos en breve a actividade Contando un conto, moi relacionada coa próxima xornada de formación, máis non vinculante. Co obxectivo de incorporar ás familias ao ensino - aprendizaxe e ao mesmo tempo afianzar a autoestima do alumnado, invitámosvos a facer de contacontos na aula das vosas crianzas (especialmente nas aulas de Ed. Infantil e 1º e 2º de Ed. Primaria).

Para ambas actividades, é necesario facer unha inscrición. 

Agardamos a vosa participación!

Visita de María Canosa

Mar, 14/02/2023 - 16:16 — iriachapela

O 13 de febreiro visitounos María Canosa, autora de diversas obras como A pedra de seixo ou Faíscas. Nesta ocasión, veu para falar co alumnado de 4º Ed. Primaria sobre Lobo Ramón, libro que gustou moito entre a rapazada. Ademáis, María adiantounos en primicia que haberá unha segunda parte, con personaxes novos e vellos e que falará sobre unha pluma estilográfica... Agardaremos con cobiza a súa publicación!

Como agasallo de despedida, tivemos a sorte de que a autora nos asinase os exemplares.Moito traballo tivo!

 

 

Novidades en Lentiña´s House

Mar, 14/02/2023 - 13:18 — iriachapela

Os sapoconchos máis espelidos da escola volven para presentarnos as novidades da biblioteca: Perrock Holmes, Resuelve el misterio e moito máis!

Ademais, tamén se poden consultar as novidades no panel do corredor da biblioteca! Alí atópanse os libros marcados coas cores por idades: vermello (todos os públicos), verde (a partir de 3ºEd. Primaria), amarelo (a partir de 5º de Ed. Primaria) e sen cor (Ed. Secundaria).

 

 

Formación Lectura e familias

Lun, 13/02/2023 - 18:46 — iriachapela

O primeiro taller do programa Lectura e Familias, Como seleccionar unha lectura, fíxonos unha aproximación aos distintos métodos que podemos empregar para seleccionar libros axeitados: temática, autor, premiados,...

Porén, é importante seleccionar libros en distintos formatos para poder chegar a todos os lectores. Neste sentido, os álbums ilustrados son unha boa idea para atraer aos nenos e nenas menos lectores. Ademais, é interesante buscar "libros que chaman por outros". É dicir, que unha lectura nos enlace coa seguinte polo interese espertado.

Ao final, trátase de atopar aqules libros que sanen as nosas almas.

O segundo taller do programa, será Como ler un conto e celebrarase o xoves 2 de marzo, ás 16h30. Este curso formaranos para que as familias de Ed. Infantil e de 1º e 2º de Ed. Primaria veñan á escola a facer sesións de contacontos. Anótate canto antes, xa que as prazas son limitadas!

Formación Como seleccionar unha lectura



by Dr. Radut