O 17 de maio, Día das Letras Galegas, a ANPA do CPIP Antonio Orza Couto, celebraremos un sorteo entre todas as familias socias da ANPA, dun vale por valor de 60 euros.
O vale será para escoller LIBROS EN GALEGO, na Librería LINO de Lestedo.
O sorteo farase a través da aplicación AppSorteos e informaremos do mesmo a través das nosas redes sociais.
Contactaremos co gañador por correo electrónico.
Moita sorte a todos.
A directiva da ANPA O Forte
 |
 |
Para maior información sobre a titulación e promoción e os criterios de cada materia, premde aquí
O xoves 28 de abril celebramos o Musiqueando 2022- #nosimportalamusica xunto con moitos outros centros de toda España.
Nun pequeno concerto, o alumnado de 1º e 2º da ESO animouse a compartir con nós o que fan na clase de Música e a interpretar unha coreografía de "Terra" feita para a ocasión por Artur Puga, bailarín que acompañou ás Tanxugueiras no Benidorm Fest.
Para os que non tivestes a oportunidade de asistir, aquí vos deixamos este vídeo coas actuacións. Desfrutádeo!
 |
|
Aquí tedes as gañadoras do Concurso de Microrrelatos ¡Sea breve, por favor!: Uxía Verde Gómez por "Amor" Nerea Mareque Vázquez por "El pozo" Aldara Prado Giadás por "Una visita inesperada" A entrega de premios terá lugar na Biblioteca este venres, día 6 de maio, durante o primeiro recreo. Non dubidedes en pasar por alí. Noraboa ás premiadas e a todxs xs participantes! |
 |
Este xoves 28 de abril o alumnado de 1º e 2º da ESO participará na convocatoria Musiqueando 2022-#nosimportalamusica, de concertos escolares na rúa e que se celebrará simultáneamente en toda España. O obxectivo desta convocatoria é sacar a música das aulas e facer un pequeno concerto, que nós celebraremos no patio do edificio de Secundaria de 11:45 a 12:50h. Neste pequeno concerto poderedes escoitar algún dos temas que estivemos a traballar na materia de Música, así como unha coreografía da canción "Terra" de Tanxugueiras feita especialmente para esta actividade por Artur Puga, bailarín do grupo participante no Benidorm Fest. Pasade a desfrutalo! |
Desde a biblioteca queremos compartir con tod@s vós as nosas recomendacións lectoras para que desfrutedes nesta Semana do Libro. Ademais, podedes consultar outras propostas interesantes que nos están a chegar a través da nosa conta de Instagram @biblioforte.
Boa lectura!
|
|
|
Chega o mes de abril e con el unha chuvia de actividades literarias para conmemorar o Día do Libro. Ademais das propostas que faremos por clase, queremos propoñervos algunhas actividades para as que pedimos a vosa colaboración:
Animádevos, tedes ata o 20 de abril! |
 |
9ª convocatoria de bolsas eurolingua para a realización de cursos de inglés
en Irlanda de dúas semanas de duración durante o verán nun programa de
inmersión todo incluído.
PRAZO DE SOLICITUDE: ata as 23:59h do 13 de abril do 2022
Para saber os REQUISITOS,
Para solicitar a bolsa, preme aquí
 |
DÍA DA ACTIVIDADE FÍSICA CARREIRA SOLIDARIA EN FAVOR DE "SAVE THE CHILDREN" Todo o recadado irá destinado a paliar a fame no corno de África DATA: 6 de abril LUGAR: Campo de fútbol do Forte HORA: A partir das 12:00h Animádevos a participar!!! "Moita xente pequena, en lugares pequenos, facendo cousas pequenas, pode mudar o mundo" Eduardo Galeano |
 |
A longo de toda esta semana o alumnado de Educación Secundaria e de 6º de Educación Primaria asistirán durante as horas de Educación Física a un curso de Defensa Persoal promovido pola ANPA O Forte en coordinación co departamento de Educación Física do centro que será impartido por instrutores da Escola Judo Club. Esperamos que o aproveiten ao máximo!! |
 |
O pasado venres 11 de marzo, visitáronnos dende a Escola Galega de Consumo para darnos uns Obradoiros sobre consumo responsable. Estiveron en todas as etapas, dende infantil ata 4º de ESO, traballando aspectos como: a compra responsable, o etiquetado alimentario, a pirámide dos alimentos, a publicidade no punto de venta, así como analizando as técnicas comerciais que se usan para incentivar o consumo. A idea é aprender a mercar dun modo informado e crítico. Velaiquí tedes os documentos gráficos do que deu de sí a xornada |
 |
Aquí tedes aos flamantes gañadores/as do concurso "Quen é ela?": Ángela Liñares (3º ESO) Lara Couto (1º ESO) Miguel Ángel Neira (1º ESO) A entrega de premios terá lugar na biblioteca de Secundaria este luns, 14 de marzo, durante o segundo recreo. O resto de participantes pasádevos tamén porque teremos un detalliño para vós, non o perdades! Noraboa! |
 |
Como tristemente por todos é sabido, o conflito desatado no leste de Europa está a xerar millóns de refuxiados que necesitan da nosa solidaridade.
Tal e como se recolle no Comunicado emitido pola Xunta de Galicia xunto coas principais ONG con estrutura na zona, o recomendable é canalizar a axuda a través de doazóns económicas. (ligado tedes o documento cos medios para facelo)
Dende o centro puxémonos en contacto coa Asociación Galega de Axuda a Ucraína (AGA-Ucraína) e comunicáronnos que seguen recollendo material de primeira necesidade que almacenan no almacén central de Santiago de Compostela na Cidade da Cultura.
Por este motivo o noso centro vai iniciar unha campaña de recollida. Os cativos e cativas levarán a casa no día de hoxe unha nota informativa co que máis se precisa.
O recollido irase depositando nos lugares habilitados a tal fin nos edificios de infantil, primaria e secundaria.
DATA ENTREGA PRODUTOS: A partir do luns 14 de marzo
LUGAR: Edificios de primaria e secundaria (canalizado a través dos conserxes)
TODOS SOMOS UCRAÍNA!!!
 |
Co gallo da celebración do Día Mundial contra a Obesidade o CPI Antonio Orza Couto sumouse á proposta realizada pola Fundación Gasol.
Dentro destas actividades: - Firmouse o manifesto TodoElMundoTieneQueActuar como mostra do noso apoio e compromiso coa saúde infantil. - Colocouse nun espazo visible un mural feito polo alumnado con mensaxes saudables que fan referencia aos piares clave da saúde infantil. - Creouse un lipdub que recolle todo este traballo. Premede neste enlace para poder ver o video que fixemos NON É O PESO QUE PERDES, É A VIDA QUE GAÑAS. Verónica de Bourg, Nutricionista deportivo. Especialista en obesidade. |
Xunta de Galicia - Consellería de Educación, 2013 | ||
