ROTEIRO GUIADO. MONUMENTO NACIONAL COSTA DO DEXO
O pasado mércores 10 de abril, o alumnado de 3ºESO realizou unha saída didáctica á costa do DEXO emmarcada dentro do programa"para unha transición ecolóxica". Este programa desenvolvido co apoio da Deputación da Coruña, pretende poñer en valor nos centros educativos da provincia da Coruña a importancia e valores destes espazos naturais protexidos,mediante actividades que permiten aos participantes enmarcados na súa contorna xeográfica, establecer vínculos afectivos co medio, reforzar a visión respectuosa co entorno e adquirir actitudes e comportamentos cara á súa protección e conservación.
Obxectivos:
Coñecer o patrimonio natural e cultural que albergan estes espazos, así como o seu valor ambiental xeral a través da historia.
-
Analizar os recursos que amosa e o valor que aportan estas figuras ao territorio e á poboación local de cada un dos Parques Naturais e da Reserva da Biosfera.
-
Entender as problemáticas ambientais ás que están sometidos estes espazos en busca do coidado e mantemento dos mesmos.
Primeira sesión:
-
Actividade no centro educativo sobre un dos espazos naturais protexidos da provincia da Coruña. Presentación breve onde se expón de maneira sinxela e amena as características dun espazo natural protexido, a importancia dunha figura de protección, a riqueza do seu patrimonio natural e cultural, os principais problemas ambientais que sofren e a forma que temos entre todos de poder axudar a protexelos.
Segunda sesión: Ruta guiada polo Monumento Natural da Costa de Dexo
KINGS LEAGUE O FORTE
Durante o segundo trimestre estívose a darlle un toque ós patios en Educación Primaria coa creación dunha Kings League O Forte. Tras formar equipos entre 3º 4º 5º e 6º e realizar unha reunión para expoñer normas de actuación e regulamento, dispuxémonos a comezar a competición. As modalidades elexidas foro brilé e fútbol.
Agradecer o alumando de 6º de EP a súa disposición para moderar a competición e parabéns a todos os participantes e especial, ós gañadores: Biciclistas e Solteros F.C.
BECAS EUROLINGUA
No seguinte enlace pódese ver a información sobre as Becas Eurolingua, destinadas ao alumnado a partir de 3º de ESO para realizar un curso de inglés en Irlanda.
I TORNEO PRE-FEILE GAÉLICO ESCOLAS
O Sábado 23 de marzo, o noso centro participou co equipo Gaélico O Forte de Boqueixón que xestiona a ANPA do noso centro, no I Torneo pre-feile Gaélico Escolas, que tivo lugar nas instalacións deportivas do Concello de Boqueixón.
Xunto co equipo de Boqueixón participaron o IES Xelmirez I, o Keltoi Montecastelo, os Esquíos F.G, e o Resío Turonia. Os nosos foron gañando partidos ata chegar á final onde se enfrontaron ao Keltoi nun encontro no que resultaron vencedores.
Logo da entrega de medallas e trofeos, tiveron un terceiro tempo no que recuperaron forzas cos petiscos xentileza da ANPA O Forte.
A seguinte cita será no European Feile, campionato de Europa en idade infantil e cadete, que desta volta se celebrará en Vigo o 27 de abril.
Grazas ao Concello de Boqueixón por estar sempre disposto a cedernos as instalacións e por financiar as equipacións que estrearon os nosos rapaces e rapazas.
ADMISIÓN CURSO 2024/25
Solicitudes de admisión curso 2024/25:
- 4º curso de Educación secundaria Obrigatoria: todas as solicitudes están ADMITIDAS
- 5º curso de Educación primaria: Presentáronse máis solicitudes que prazas ofertadas, hai que BAREMAR.
- 1º curso de Educación primaria:Presentáronse máis solicitudes que prazas ofertadas, hai que BAREMAR.
- 4º curso de Educación Infantil:Presentáronse máis solicitudes que prazas ofertadas, hai que BAREMAR.
Prazo voluntario de presentación de documentación para os criterios alegados: Do 22 de marzo ao 4 de abril
Os días 24, 25, 26 de marzo e 1 de abril, a presentación da documentación e calquer tipo de consulta ao respecto do procedemento, farase a través do correo electrónico cpi.antonio.orza.couto@edu.xunta.gal
Os días 2, 3 e 4 de abril poderase facer de forma presencial na secretaría do centro en horario de 09:00 a 14:00, ou a través do mesmo correo electrónico.
A dirección
BOLSAS MEC PARA ESTUDIOS POST OBRIGATORIOS
O Ministerio de Educación vén de abrir o prazo para solicitar a bolsa de estudos postobrigatorios.
O alumnado que no curso 2024-25 curse bacharelato ou ciclo de Formación Profesional (alumnado de 4º de ESO), deberá solicitala.
Lembramos que para esa etapa educativa postobrigatoria non hai a axuda para adquisión de libros de texto da Xunta.
Calqueira dúbida, poden poñerse en contacto coa secretaría do centro.
BOLETÍNS DA 2ª AVALIACIÓN
Prezadas familias:
Por acordo tomado na Comisión de Coordinación Pedagóxica do 26 de febreiro de 2024, no sucesivo, deixaremos de enviar os boletíns de notas do alumnado en papel e únicamente estarán dispoñibles para as familias a través da aplicación abalarmóbil.
Se algunha familia ten dificultades para obtelas do xeito indicado, que se poña en contacto coa secretaría do centro.
As notas da segunda avaliación publicaranse o venres 22 de marzo ás 14:00h.
AVALIACIÓN DE DIAGNÓSTICO
Os días 10 e 11 de abril desenvolverase nos centros educativos de Galicia a avaliación de diagnóstico. Nos seguintes enlaces pódese atopar toda a información.
Acreditación das competencias dixitais
A Consellería de Educación ofrece un exame para acreditar a competencia dixital do alumnado de 4ºESO. O alumnado que obteña o título de graduada ou graduado en educación secundaria obrigatoria no curso 23-24 recibirá o certificado que acredite o nivel de iniciación. O alumnado matriculado en 4º de educación secundaria obrigatoria poderá presentarse a unha proba específica co obxectivo de acreditar os coñecementos, habilidades e actitudes propias do nivel intermedio. Esta acreditación do alumnado terá unha validez de cinco anos a partir da data da proposta de título da alumna ou o alumno ou da realización da proba específica.
O prazo de matrícula remata o venres 15 de marzo.
Para máis información podedes premer nesta ligazón.
PROCESO DE ADMISIÓN ALUMNADO. CURSO 2024/25
SESIÓN DE CINE EN CINESA AS CANCELAS 3º E 4º ESO. NAPOLEÓN
A semana pasada o alumnado de 3º e 4º de ESO disfrutou dunha sesión de cine en Santiago de Compostela.
A saída, organizada polo departamento de Xeografía e Historia do centro, consistiu no visionado da película sobre a vida de Napoleón Bonaparte nun pase privado nas salas de CINESA As Cancelas.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
![CPI Antonio Orza Couto RSS Distribuir contido](/centros/cpiantonioorzacouto/misc/feed.png)