Investigacións.

Suso e  Andrés son dous científicos moi sabios que se acercaron ao noso cole para ensinarnos un montón de trucos da ciencia. Ambolos dous protagonizan a actividade : Ciencia en Movemento.

Nin que dicir que ámbolos dous fascinaron a todo o alumnado cos aparellos casi máxicos que nos trouxeron: vimos hologramas e un montón de trucos  de ciencia. Estiveron dúas mañás no cole e os nenos e nenas quedaron encantados cos seus experimentos. Moitas grazas por vir! Queremos repetir!

Ao longo desta mañá os nenos e nenas de sexto acudiron a I Feira Científica do Val Miñor. Nela participaban alumnado do IES Val Miñor e o IES  Primeiro de Marzo. Ensináronlles un montón de cousas e experimentos así como xogos de origami , todo relacionado coa ciencia......E voltaron ao cole encantados amosándonos o que habían aprendido. Así se fai!

Mauro , un gran campeón do Xadrez veu ao noso cole en varias ocasións para ensinarnos a todos os trucos do xogo do Xadrez. É un xogo de estratexia e de anticipación no que hai que saber usar moi ben cada peza para poder gañarlle ao contrincante. Un xogo concienzudo, un xogo moi didáctico que todos estamos desexando aprender....MOitas grazas Mauro pola túa adicación e tempo!

Os maiores do colexio empezron hoxe a investigar sobre a contaminación.Deron os primeiros pasos a través de dous libros que a mestra trouxo do Nigrán de hai 100 anos, e outro sobre os antigos tranvías. Cantas diferencias observamos entre a paisaxe daqueles tempos e a de hoxe......Que pasou nas nosas praias? A que se debe tanto cambio? Terá algo que ver a contaminación? Estas e outras preguntas estiveronse facendo os nenos e nenas ao mesmo tempo que ían desñando unha presentación para a súa investigación. Así se traballa!

Os peques-grandes de 5 anos decidiron pedir axuda aos compis de 3º e 4º para seguir investigando sobre as abellas. Para elo, antes de nada, repasamos a estructura dunha petición e practicamos así o uso dunha lectoescritura funcional. Logo , mediante unha votación democrática escollimos as cores do folio e do sobre. Fixemos posta en común sobre preguntas raras e curiosas que nos faciamos sobre as abellas e a súa produción de mel e unha vez anotadas, mans a obra.

Chívannos que os compis de 3º e 4º xa saben moito despois da súa visita a Apípolis. Así que......xa sabedes! Que marabilla e que importante poder comunicarnos e axudarnos aínda na distancia social.....a emoción é moita!