Skip to Content

CEIP DA CRUZ

VISITA AO INSTITUTO , DE SEXTO

Este venres pola mañá os rapaces e rapazas de quinto e sexto acudiron ao instituto para facer un percorrido de stands onde os maiores lles amosaron moitas cousas: dende experimentos científicos, ata os contidos de  ciencias máis interesantes. Nin que dicir que lles encantou aprender dos maiores. Xa pronto estarán con eles. Moita sorte rapaciños!

 

 

TEATRO NA SALA ÁRTIKA DE VIGO

Nesta semana o alumnado de 3º a 6º acudiu á sala Artika , de Vigo , para visionar unha preciosa obra de teatro: A illa da Deslembranza. Un canto aos avós en especial. 

 

Esta obra encantoulles a todos os nenos e nenas, xa que estaba chea de efectos e de metáforas que a facían moi atractiva. Encantados de disfrutar do marabilloso mundo do teatro!

DOBLADOR DE CINE NO COLE:DAMIÁN ALONSO

Tivemos unha visita moi especial no colexio: o famoso doblador de películas, Damián Alonso.  Moitas das películas que vemos habitualmente están dobradas por él. Ademáis, non só nos fixo un percorrido polo mundo das dobraxes senón que tamén grabounos e ensinounos moitas técnicas do séptimo arte. Ser actor de dobraxes non é nada doado, pero si moi divertido ,como todos aprendemos. Grazas Damián pola túa visita. Encantounos aprender de ti!

 

SAÍDA AOS CINES TAMBERLICK

Este venres 5 de abril todo o alumnado do centro tivemos unha excursión moi esperada. Como estamos traballando o proxecto do cine eleximos unha película que nos gustara a todos e ......alehop! Nin curtos nin perezosos plantámonos nos cines Tamberlick de Vigo que nos fixo unha acollida especial proxectando a película Kung Fu Panda 4 para todos nós. E nin que dicir que nos encantou. O noso querido personaxe Po esta vez tiña que salvar a todos os seus maestros, confiando nun personaxe que nun principio parecía de moi pouco de fiar......pero grazas aos seus pais e amigos conseguiu o que se propuxera.

 

 

XORNADAS DE ORIENTACIÓN

O xoves 4 de abril o alumnado de 5º e 6º de Educación Primaria realizaron unha actividade de Oreintación no patio do Centro. sorprendulles moito este deporte que cada vez está máis en auxe. 

Agradecerlle ao Concello a colaboración nesta actividade xa que nos enviaron a dous técnicos moi bos nesta especialidade. De seguro que repetiremos.

 

 

XORNADAS DE ATLETISMO E LANZAMENTO

Durante o mes de marzo o alumnado de 4º de Educación Primaria gozou dunhas  Xornadas de aprendizaxe de atletismo. Aprenderon e practicaron tres disciplinas como a velocidade, salto de lonxitude e lanzamento de peso. As xornadas foron impartidas por adestradores do Clube de ATletismo de Gondomar.

 

ACTIVIDADE NA HORTA ABRIL

 De novo tivemos a visita de Diana ao  cole.....Hoxe aprendemos as propiedades da Herba Luisa, valeriana, a lavanda o perixel e entre outras que xa plantamos, tamén incluídas as lufas.

Encántanos todo o que sabe Diana sobre as cousas do horto, ...Que os cultivos deben ser rotatorios, que hai plantacións que deixan nutrientes para os que veñen despois....e moitas cousas máis. Grazas Diana por compartir a túa sabeduría!

Saída ao teatro e ao Instituto Audiovisual de Vigo

Os nenos e nenas de Infantil 1º e 2º pasáronno en grande nesta saída relacionada co proxecto do cole. Foi unha experiencia moi completa coa visita ao Instituto Audiovisual de Vigo, onde nos ensinaron o seu plató e equipo de televisión, a radio, o estudo de gravación, o teatro... e nos convidaron a merendar alí!! Todxs nos quedamos con ollos abertos con todo o que descubrimos.

Despois completamos a saída coa asistencia ao Teatro Sala Ártika en Vigo, desfrutando dunha obra que nos ensinou o valor da nosa lingua galega para non perder as súas fermosas palabras. 

Unha xornada marabillosa na que desfrutamos todos xuntos

 

2 DE ABRIL: DÍA DO AUTISMO

O 2 de abril celebramos o Día sobre a Concienciación do Autismo. No noso colexio estamos a traballar o Proxecto sobre o cine. Por iso non queremos perder a oportunidade de compartir unha chea de películas e series que nos chegaron da man de distintas entidades que  traballan a prol do Autismo.

Invitámosvos a botarlle unha ollada a estas que vos presentamos a continuación. Luces....Cámara....Acción!!!!

 

Distribuir contido


by Dr. Radut