O alumnado de sexto curso acudiu durante esta xornada ao IES Val Miñor para facer unha convivencia e acercamento ao mundo do Instituto. O alumnado e profesorado do IES Val MIñor volcáronse por completo en animalos e quitarlle os medos e prexuizos negativos que levaban. Tiveron un pequeno concerto, xogaron na bibliotecca e aprenderon na aula de polos creativos así como no laboratorio do instituto. Fixeron un percorrido por todo o centro, sempre guiados polo orientador Eduardo, así como pola xefa de estudos do mesmo.
Agradecemos ao profesorado e alumnado todo a súa iniciativa. Esencial para estos futuros alumnos e alumnas!
O alumnado de 4º curso estivo a traballar nunhas interesantes maquetas acerca do relevo. Ao rematalas expuxéronas ao alumnado de 2º, ao que lle encantou o traballo. Ben feito, nenos e nenas!
Se hai un lugar que nos encante no colexio , ese está en Tomiño, e chámase Corazón de Carballo. Alí os máis pequenos do cole foron moi felices durante un día. O segredo está en todos os animaliños que alí nos recibiron, o primeiro, Tuco, un can moi intelixente que non só coida das ovellas senón que se deixa dar mimos. Ademáis de Tuco, estaban a galiña Chicoleta, a ovella oreo, o galo Pinto, o coello Alicia, Francesco o pato, a cabra Kinder, o pini Mai e maila ovella líder Velcro......
Todos os nenos e nenas foron moi felices acariñándoos, e aínda que ao principio daba algo de medo, logo resultou que lles encantou facerlles aloumiños. Nin que dicir que queremos voltar moi pronto!
Suso e Andrés son dous científicos moi sabios que se acercaron ao noso cole para ensinarnos un montón de trucos da ciencia. Ambolos dous protagonizan a actividade : Ciencia en Movemento.
Nin que dicir que ámbolos dous fascinaron a todo o alumnado cos aparellos casi máxicos que nos trouxeron: vimos hologramas e un montón de trucos de ciencia. Estiveron dúas mañás no cole e os nenos e nenas quedaron encantados cos seus experimentos. Moitas grazas por vir! Queremos repetir!
Os nenos e nenas de terceiro prepararon para os máis pekes do cole unha sesión relaciconada coa película de animación "O Principiño". Tamén versionaron a través dun teatriño unha adaptación desta novela, e a teatralizaron para deleite de todos os alí presentes.
Logo fixeron unha dinámica organizando distintas estacións: a de debuxo, a de acuarela, puzles, rotótica e creación de contos. Como no cole temos uns alumnos marabillosos esta actividade encantoulles! Grazas ao Principiño!
Manuela Contacontos veu dende Coruña para facer unha sesión chea de poesía acerca da homenaxeada neste ano nas Letras Galegas, Luisa Villalta. Aprendemos acerca do seu mundo ,do ecoloxismo, do feminismo , dela, das súas vivencias e aficcións....Sabedes que era mestra e tamén violinista....e moi , moi especial?
