Esta saída de Fin de Curso foi espectacular. Coñecemos os sitios máis fermosos da nosa contorna da man dun dos membros do IEM ( Instituto de Estudios Miñoranos): nada máis e nada menos, que o profe Bruno!
Preparou para nós un roteiro que contemplaba a visita ao Cortelliño onde merendarían os máis cativos, que fixeron casi todo o percorrido en bus, mentres que os maiores fixeron unha camiñata de campeóns. Visitamos o alto da Groba e camiñamos entre os cabalos salvaxes ou garranos e as vacas salvaxes, ademáis de disfrutar dunha paisaxe privilexiada. Os maiores visitaron un peculiar museo doutro membro do IEM que rescataba parte da historia desta parte do noso lugar. Descansamos baixo a sombra das árbores do Chan da Lagoa. E xa no Outeiro dos Lameiros, máis especialistas do IEM nos prepararon unha ruta polos principais e preciados petroglifos , que son os segundos máis grandes de Galiza. Tivemos o honor de recibir unha formación privilexiada por parte de expertos nesta materia, e seguro esta semente agromará en todos nós facendo que valoremos máis a nosa terra.
