Curso 2019 - 2020

 O 25  de Outubro celebramos o día das Bibliotecas Escolares. Coma sempre, o noso embaixador deste acto foi o personaxe de Shakespeare que nos guiou durante toda a celebración que fixemos e que nos gusto moito.

Como inauguración o alumnado de primeiro e segundo representou o poema de Liliana Cinetto, "Amor en la biblioteca", ao que aplaudimos encantados.  A continuación, o alumnado de 5º  nos leu o conto de BiblioBurro. Entre todos fixemos unha posta a punto de cantas ventaxas ten un Robot e as que ten un Burro. "Robot vs  Burro" E argumento tras argumento fomos chegando a conclusión de que os dous poden chegar a ser moi útiles! 

Para terminar o acto, o noso querido personaxe de Shakespeare repartiu os retos anuais que terán que levar a cabo nas distintas titorías: cada curso terá que investigar acerca dun tipo de robot: médicos, industriais, tecnolóxicos...etc

Así que......mans a obra! Xa temos traballo para este curso!

Alejandra veu ano noso colexio para falarnos de plantas moi especiais. O romero que nos alivia as dores, a menta, a albhaca, herba Luisa, Cilantro, que en Portugal é de múltiples usos, e a Citronella.....son ambientadores naturais, esencias que fan do olfato as mil delicias e que moitas teñen propiedades curativas.

Hoxe estivemos estudiándoas e identificándoas polo seu olor, e para finalizar fixemos uns ambientadores para as nosas casas moi bonitos. Graciñas Alejandra, aprendemos un montón!

Neste comezo de outubro o alumnado de quinto e sexto adicou un tempo da xornada a ir ao Viveiro no que plantamos o curso pasado, para arranxalo e adecentalo: arrincarlle as malas herbas, poñer máis follas nas raíces e facer limpeza en xeral do noso lugar que con tanto mimo preparamos.  Levamos toda clase de útiles, materiais para sachar e para limpar, luvas, e deixámolo todo moi bonito. Bo traballo compañeiros!

O 24 de outubro celébrase o Día contra o Cambio Climático celebración instaurada pola ONU dado os estragos que está a producir no planeta.  Son as novas xeracións as que loitan máis activamente para que recuperemos costumes que axuden ao planeta a sair dunha espiral de autodestrucción. Moi coñecida é neste ámbito, Greta  Thunberg, a nena con autismo que reclama xa dende a ONU a necesidade de salvar ao noso planeta.

Por iso a teacher Espe, traballou co seu alumnado este tema na área de Science, e os resultados foron nenos e nenas moito máis concienciados da necesidade de traballar a prol da conservación do planeta.

Hoxe tivemos a Festa de Comezo de Curso 2019-20 no colexio.

Este ano celebramos as Graduacións dos máis pequechos e grandes do colexio a principio de curso. Tamén despedimos a unha mestra moi especial para todos nós: a profe Lucía, que quixemos por tanto cariño que nos adicou a todo o alumnado e profesorado do centro.Sempre estará nos nosos corazóns porque cando alguén deixa unha semente tan ben coidada como deixou esta mestra, agromará dentro de nós e non poderemos esquecela xa máis.

Pola tarde, pais e nais prepararon numerosos obradoiros: de pintura, de brochetas de froita, inchables, e xogos populares onde os nenos e nenas desfrutaron coma nunca nun caluroso venres de principio de curso.