Curso 2019 - 2020

O alumnado de quinto e sexto tivo unha sesión de traballo no viveiro do colexio plantando as sementes que prepararan no primeiro trimestre con tanto coidado e agarimo. Esta vez viñeron para plantar, e tamén para ensinarnos cómo persoas diferentes poden facer grandes xestos polo planeta.  Esta mañá ao aire libre, aprendendo da terra e das súas xentes diversas foi moito máis interesantes que ler nun libro o ciclo de agrome dunha pranta...... Encantounos! Voltade cando poidades! Grazas "Avelaíña"!

O alumnado de quinto e sexto tivo unha charla moi didáctica impartida polas persoas do colexio Juan María. 

Eles, coas súas diversas maneiras de expresarse, explicáronlle, en que consiste o proxecto de tapóns solidarios e como os traballan eles ata chegar a un porto no que consiguen unha pequena recaudación polo traballo feito. Con esta convivencia  aprenden que a diversidade funcional é unha realidade: que todos somos diferentes e nos comunicamos de diferentes formas , pero o que é igual a todos nós é o espíritu de superación e de loita cando intentamos facer realidade os nosos soños.

Neste comezo de febreiro tivemos unha fantástica contacontos para os nenos e nenas de 1º e 2º. Contáronnos a historia de catro personaxes que viven no mar: unha ameixa, un cangrexo, unha seardiña e un polbo que deciden axudar a súa amiga , Miguelita que quere facer o camiño de Santiago.  Os nosos amigos faran un percorrido moi fermoso saindo das augas de Baiona, pasando pola Ría de Vigo, a de Pontevedra, a de ARousa e apañaranse moi ben para chegar ao río de padrón e dende alí, subir a Miguelita na solapa dun peregrino que chegado a Santiago, quere acabar o camiño no Cabo fisterra. Vivirán moitas aventuras: furtivos, ou malvados que botan lixo ao mar, contra os que loitarán e acabarán sendo vencedores! É o poder do mar! Logo do conto, todos tivemos un pasaporte para que nos selen nos distintos sitios polos que pasemos e así obter a credencial do Camiño de SAntiago. E qué divertido foi facer unha Migueliña........quedounos de marabilla!

O Robot DOC chegou a clase dos máis cativos do colexio. Pero non vos imaxinades como aprenderon a manexalo e o ben que se lles da mandar a "Doc" aos distintos lugares do taboleiro.  Estes pequenos son xa todos uns expertos na robótica avanzada! AGardamos desfrutedes das imaxes que dan fé do ben que manexan este amigo robótico!

Comezamos o 2020 cunha celebración moi fermosa : O Día Internacional da Paz e Non Violencia. 

No  cole celebrámolo cunhas cantigas a mans dos nenos e nenas de 2º e cun baile que aprendemos todo o centro. Logo, como ven sendo habitual acercámonos ao Ceip de Panxón para realizar a carreira Solidaria pola Paz, no que cada volta dada polos nenos é subvencionada por un padriño seu.....Non vos imaxinades a de voltas que diron estos campeóns! Todo o diñeiro recaudado vai para famiias con baixos recursos da zona do Val Miñor.

Nin que dicir ten que nos encantou vivir estas experiencias!