Curso 2017 - 2018

Tivemos unha máxica xornada de contos infantís, adicados aos máis pequenos. Carla, da librería "Donde viven los cuentos", de Nigrán preparou unha sesión de contacontos que fixo as delicias dos máis pequenos do cole.....A través da imaxinación, das cantigas, e duns selectos contos que trouxo consigo, guiados por Xan da Area, navegamos todos xuntos polo mundo da interulturalidade, da diversidade, dos números, e moitas máis illas de libros.

Grazas Carla, estivemos encantados de disfrutar ao teu carón da maxia que destilan os contos nas túas mans. Esperamos volver a repetir!

Hoxe os nenos e nenas de 5º e 6º aprendemos que facer ante diversas situacións de emerxencia grazas ós Médicos de Escola Corazón do PAC de Porriño.

Primeiro estivemos vendo unha presentación de qué podemos facer se unha persoa queda inconsciente, tendo presentes catro pasos: 1. Comprobar que está inconsciente. 2. Comprobar que respira. 3. Pedir axuda ao 112. Si non respira empezar a facer a RCP.

Estivemos practicando cos bonecos especiais todo o que aprendermso. Moitas grazas a Escola Corazón que voluntariamente veu ao ole a ensinarnos estas técnicas tan interesantes.

O 2 de abril celébrase O dia Mundial pola Concienciación sobre o Autismo. No noso cole tivemos a visita especial de Alba e Gabriela, dúas psicólogas e terapeuras que traballan con nenos con TEA. Agora sabemos que esas siglas significan Trastorno do Espectro Autista, unha característica coa que nacen moitos nenos e nenas que os fai especiais, pero o máis importante é que precisan da axuda de todos nós, que con agarimo e comprensión sexamos capaces  de aceptalos e querelos como son....Como somos todos, diversos, diferentes, necesitados de aceptación e amizade. ASí que poñámonos man a obra e abramos o noso corazón a todos os nenos e nenas diversos!

Na biblioteca  proxectamos as películas de "  El viaje de María "  " Academia de Especialistas". que falan acerca de nenos e nenas con TEA, das súas habilidades especiais..... Ademáis nela tamén podemos atopar o xenial libro de Miguel Gallardo para que todos poidamos comprender mellor cómo son estas persoas con autismo, e querelas máis........

Hoxe, a nosa mascota da biblioteca, Camosiña, repartiu para todos nós os premios dos Gañadores do Preguntoiro. Durante todo o trimestre, unha vez a semana , Camosiña nos presenta unha pregunta con tres opcións e nós temos que poñer a resposta no buzón. Houbo premios para a maioría xa que en cada curso se premiou o primeiro, segundo ou terceiro posto. En total 20 gañadores, entre os que destacaron os alumnos de 1º,2º, e 5º que traballaron en grupo e tiveron as máximas puntuacións.