No mes de novembro deu comezo o club de lectura. Xuntámonos un grupo de alumnos e alumnas de 6º de educación primaria, a mestra Silvia e a mestra María. Foi un día divertido, falamos dos libros que cada un está a ler e outras lecturas que xa lemos. Libros que nos gustaron moito e outros que non tanto. Todos estamos a ler manga!!! A mestra María e a mestra Silvia faláronnos de lerlle aos máis pequenos do cole e emocionámonos tanto que falamos de representalos como se fose unha obra de teatro. Eleximos os libros de El Hematocrítico posto que este autor visitou o noso cole o ano pasado e na nosa biblioteca contamos con varios exemplares.
Falamos tamén das normas do club de lectura.
O 25 de xaneiro tivemos a 2ª xuntanza. Dividímos en 4 grupos de 5 nenos e nenas. Cada grupo elixiu un libro segundo os seus gustos e preferencias e, en sucesivas reunións (mensuais), fomos comentando os libros e facendo unha breve análise do seu contido comparándoos cos contos clásicos. A virtude de ler diferentes títulos radica en que a través de análises e valoracións dos compañeiros/as, sedúcese ao resto de lectores para que tamén lean ese título.
Falamos das datas en que lle íamos ler ao alumnado de 1º e 2º nivel estes libros, promovendo así o gusto pola lectura. Foi todo un éxito, pois ao final animámonos toda a clase. Eliximos os libros de El Hematocrítico que lles imos ler aos máis cativos do cole. Lemos "Alcaldesa Vermella", "Rapunzel con piollos", "Misión princesa" e "Vaia cabuxiño". O 10 de marzo lémoslle "Alcaldesa Vermella" e o 17 de marzo "Rapunzel con piollos". Ademais, un alumno de 5º nivel fixo un teatrillo con marionetas.
Pasade pola nosa galería de fotos para ver as imaxes deses días.
Álbum: CURSO 22 -23 -> CLUB DE LECTURA
