O pasado 18 e 19 de maio o servizo de ambulancias e de bombeiros, visitaron o noso centro para ensinarnos o seu traballo. trouxeron os seus equipos e vehículos! dende o Vila de Cee agradecemos o tempo dedicado que lle prestaron aos nenos con tanto cariño!

Serena Díaz, alumna de 4º EP, foi nomeada Deportista de Rendemento Deportivo de Base (deportista de alto rendemento para menores de 16 anos). Dito nomeamento conseguiuno polos seus logros nacionais e internacionais. Desde o CEIP Vila de Cee trasladámosche o noso máximo apoio e sorte para futuras fazañas!

Durante a xornada de hoxe celebramos os Apadriñamentos Lectores, actividade para celebrar o Día do Libro (23 de abril), que fora posposta a semana pasada por mor da choiva. Premendo na imaxe podedes acceder ó álbum de imaxes compartido, onde poderedes comprobar o ben que o pasamos!

Aquí vos deixamos estas dúas imaxes do rocódromo do colexio, que tanta expectación crea no alumnado nas horas do recreo.

O pasado venres, 17 de febreiro tivemos unha xornada moi especial no cole. Celebramos o Entroido, e para que vexades que ben o pasamos, deixámosvos este vídeo de como foi. Preme na imaxe para velo.

Estimada comunidade educativa, deixámosvos aquí este vídeo no que podedes ver como celebramos o final deste primeiro trimestre.

Este mércores, 15 de febreiro, parte do alumnado do CEIP Vila de Cee participou na 2ª xornada de Campo a través, celebrada en Noia. Deixámosvos aquí estes dous vídeos para que poidades ver como foi.