ELECTRICIDADE E MAGNETISMO.6º PRIMARIA.CIENCIAS SOCIAIS

A electricidade estática é un tipo de electricidade que fai que algúns corpos se atraian ou se repelan. A atracción dos cabelos ao peitearnos sucede porque os corpos se electrizan ao fretalos, manifestan unha carga eléctrica.

O alumnado de sexto experimentou coa electricidade estática con diferentes obxectos da aula.

A corrente eléctrica débese a un movemento continuo de cargas eléctricas. Para que este ocorra, é necesario un circuito eléctrico. Durante unha sesión de ciencias sociais estivemos construíndo noso propio circuito eléctrico.

O magnetismo é a capacidade das pedras con magnetita de atraer algúns metais. Os imáns son obxectos que teñen esta propiedade. Estivemos experimentando de xeito divertido esta propiedade da materia.