Durante esta semana de xaneiro os alumn@s de Educación Primaria e Infantil están traballando o conto de El lápiz mágico de Malala. O conto relata parte da vida de Malala Yousafzai e de como foi a súa infancia crecendo nun lugar destrozado pola guerra. Malala recibiu o Premio Nobel da Paz en 2014, pero segue loitando polos dereitos dos nenos e nenas.
A historia cóntanos que Malala cando era nena desexaba ter un lapis máxico para con el debuxar cousas que logo se fixeran reais. Decidiu converter aquel lapis máxico co que soñaba de nena nun lapis de verdade. Con el escribiría sobre os desafíos que ía atopando: homes armados que pecharon as escolas privadas e prohibiron ás nenas asistir a clase.
Con este libro aprendemos que hai outros lugares no mundo, diferentes ó noso. Nalgúns deses lugares os nenos e as nenas non son iguais, e ir á escola é un privilexio. Deste xeito intentamos inculcar que un mundo mellor é posible evitando as diferenzas e fomentando a igualdade de oportunidades.
CONTO. Pica aquí
No seguinte vídeo podedes ver o que debuxaría na Educación o alumnado de 6º de Educación Infantil se tivera un lapis máxico. Pica na imaxe
Alumnado de 6º de primaria
Durante anos, Malala loitou nun blogue cun pseudónimo a favor da educación das nenas no Paquistán dominado polos talibán, pero logo de dous anos que cambiaron radicalmente a súa vida hoxe é a persoa máis nova en gañar o Premio Nobel da Paz.
A paquistaní de 17 anos converteuse nunha das voces máis fortes da educación infantil, en especial das mulleres en países onde o extremismo relixioso marxínaas desa oportunidade.
Pica na imaxe para ver o vídeo que fixeron os alumnos e alumnas de 6º de primaria
