Secretaría

ORDE do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21 (código de procedemento ED330B).

Prazo de presentación de solicitudes ata o 19 de xuño de 2020.

A solicitude será única para todos os fillos matriculados no centro. 

Presentación de solicitudes:

• Por vía electrónica a través da aplicación FONDOLIBROS (mediante Chave 365)
• No propio centro.

Documentación necesaria:

• Impreso de solicitude
• Copia do libro de familia ou documento equivalente, onde figure o alumno e demais membros computables da unidade familiar.

E de ser o caso:

• Certificado do grao de discapacidade do/da alumno/a ou de calquera membro da familia recoñecido por un órgano que non pertenza á Xunta de Galicia.
• Documentación xustificativa da situación de violencia de xénero no ámbito familiar, en calquera das formas que  enumera o artigo 5 da Lei 11/2007, do 27 de xullo, para a prevención e o tratamento integral da violencia de xénero.

• Resolución xudicial de incapacitación con patria potestade prorrogada ou rehabilitada.

   

Resolución do 5 de maio de 2020 (DOG 6/5/20), da Secretaría Xeral Técnica da Consellaría de Presidencia, Administracións Públicas e Xustiza,

PRAZO DE PRESENTACIÓN DE SOLICITUDES_____________________                                                    
Dende o 11 ao 18 de maio, ambos incluídos.

XEITOS DE PROCEDER PARA PRESENTAR SOLICITUDE____________

      -Presentando a solicitude a través da aplicación informática "AdmisionAlumnado"  

         Manual para as familias

      -Presentando a solicitude presencialmente no centro:

• O horario do centro para a presentación de solicitudes será de 10:00h a 13:00h e deberá pedir cita previa no teléfono 982870939.
• Terá que vir un só adulto e aconséllase traer o impreso xa cuberto (poderá aclarar as dúbidas previamente por teléfono), e recórdase a importancia de respectar as recomendacións hixiénicas e de distanciamento social tal e como está estipulado.

DOCUMENTACIÓN A ENTREGAR_________________________________

• Anexo II asinado polo solicitante (pai/nai /representante legal). No caso de separación ou divorcio necesitarase a sinatura de ambos proxenitores, agás que a patria potestade estea atribuída, con carácter exclusivo, a un deles.
• Fotocopia do DNI da/o alumna/o ou do libro de familia.
• Fotocopia do DNI do solicitante, e cando non se autorice a verificación de datos, tamén os dos membros computables da unidade familiar.
• No caso de alumnado con NEAE, documentación acreditativa da circunstancias que fundamentan esta petición.
• En caso de separación ou divorcio dos proxenitores, convenio regulador ou resolución xudicial de separación ou divorcio.
• Certificado de empadroamento actualizado.
• A documentación xustificativa de calquera circunstancia que se queira facer constar na baremación.

Estimadas familias.

A Consellería de Educación e FP acaba de publicar unha orde na que se contempla a compensación económica ás familias becadas de comedor que nestes días, debido á situación que estamos a vivir, non poden facer uso do mesmo. (DOG 62 do 30 de marzo)

Esto inclúe exclusivamente ás familias de GRATUIDADE TOTAL  e ás que abonan UN EURO polo servizo.

 "Artigo 5.

 Lugar e prazo de presentación

1. Tendo en conta a condición previa de comensal gratuíto ou semigratuíto dun euro, as solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia https://sede.xunta.gal/portada  Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/tramites-e-servizos/chave365).

As familias que acrediten dificultades para formalizar a solicitude por medios electrónicos poderán solicitar que o equipo directivo do centro educativo en que se escolarizan as/os súas/seus fillas/os colaboren na formalización da solicitude. Para estes efectos, os centros con comedor escolar habilitarán un horario especifico que anunciarán ás familias."

Aquelas familias que teñades que solicitar axuda ao centro para a tramitación, poñedevos en contacto no teléfono 982870937 en horario de 11:00h a 13:00h ata o venres 3 de abril.

Lémbrase que mañá, xoves 19, e pasado, venres 20, non se atenderán consultas por teléfono nin correo electrónico posto que o primeiro é día festivo e o segundo é un dos días solicitados polo centro, e aprobados como de libre elección.

A partir do luns 23, retomarase o contacto en todas as vías indicadas para facelo

Como sabedes, a información dende o centro ás familias se xestiona principalmente dende esta web e dende a app AbalarMóbil, de xeito que sexa doado acceso a ela, e xa que practicamente todos e todas dispoñemos dun smarphone. É por iso que unha maioría importante das familias do alumnado dispón desta app no seu móbil, pero non todas, aínda sendo útil, por iso decidimos facilitar o manual do espazo Abalar para familias no que, mediante o uso dun ordenador, se pode acceder ás mesmas ferramentas de comunicación.

Agradecemos que aquelas familias que non dispoñan da app polo motivo que sexa, sigan as instrucións deste titorial para poder acceder ao espazo Abalar dende un ordenador e así, á información.

O material e comunicación co profesorado será principalemte a través desta web e de Abalar

MANUAL DE USO DO ESPAZO ABALAR